Ukrayna Prezidenti Volodimir Zelenski Böyük Britaniyanın baş naziri ilə telefon danışığı aparıb.
Modern.az xəbər verir ki, bu barədə Zelenski özünün sosial media hesablarında məlumat yayıb.
Telefon danışığı zamanı cəbhədəki vəziyyət və Baxmutun müdafiəsi müzakirə olunub. Baxmut şəhəri uğrunda döyüşlər 7 aydan çoxdur davam edir. Ukrayna rəhbərliyi şəhərin müdafiəsinin davam etdirilməsi barədə qərar qəbul edib.
Zelenski və Sunak Ukraynaya hərbi və iqtisadi dəstəyin gücləndirilməsi barədə də fikir mübadiləsi aparıblar.
