İspaniyanın cənub-şərqindəki Mursiya şəhərində yerləşən gecə klubunda yanğın baş verib.
Modern.az xəbər verir ki, bu barədə “El Mundo” qəzeti yazıb.
Məlumata görə, 13 nəfər tüstüdən boğularaq ölüb, daha 4 nəfər xəstəxanaya yerləşdirilib. 14 nəfər hələ də itkin düşmüş hesab edilir.
“Fonda Milagros” klubunda yerli vaxtla səhər saat 6:00 radələrində başlayan yanğın daha sonra iki qonşu kluba keçib. “Fonda Milagros”un binasının damının uçması yanğınsöndürmə və axtarış-xilasetmə işlərini çətinləşdirib.
Şəhərin meri Xose Ballesta həlak olanlar üçün üç günlük matəm elan edib.
