Ukrayna prezidenti Volodimir Zelenski ölkənin silahlı qüvvələrində xidmət etmiş azərbaycanlı Elvin İlqar oğlu Novruzov ölümündən sonra “İgidliyə görə” ordeni ilə təltif edib.
Modern.az xəbər verir ki, Novruzovlar ailəsi Azərbaycanın Biləsuvar rayonundandır. Elvin Novruzov Ukraynanın İvano-Frankovsk vilayətinin Kaluş şəhərində doğulub boya-başa çatıb.
O, müharibənin ilk günlərindən Ukrayna silahlı qüvvələrinin sıralarında döyüş əməliyyatlarında iştirak edib, bu ilin əvvəlində Baxmut yaxınlığında gedən döyüşlərdə qəhrəmancasına həlak olub.
