Gürcüstanın baş naziri İrakli Qaribaşvili prezident Salome Zurabişvilinin ölkə Konstitusiyasını pozması barədə məhkəmənin şərhinə münasibət bildirib.
Modern.az "Sputnik Georgia"ya istinadən xəbər verir ki, o, prezidenti tənqid edərək bunu “utancverici fakt” adlandırıb.
“Prezident başqalarına qanunun müdafiəsi üçün ayıq-sayıq olmalı olduqlarını göstərmək və nümunə göstərmək əvəzinə kobud şəkildə, nümayişkaranə şəkildə, dəfələrlə Konstitusiyanı pozdu. Bu, təbii ki, məni sevindirmir. Bu ölkənin adi vətəndaşıdır.” , - İrakli Qaribaşvili bildirib.
Qeyd edək ki, Gürcüstan prezidenti ilə hakim partiya arasında gərginlik yaranıb və hökumət Zurabişvilinin impiçmenti proseduruna start verib. Prezident isə məhkəmə qərarını siyasi hesab etdiyini və sona qədər mübarizə aparacağını açıqlayıb.
