Qazaxıstan prezidenti Kasım-Jomart Tokayev Çinə səfəri çərçivəsində Sincan-Uyğur Muxtar Rayonuna gedib.
Modern.az xəbər verir ki, bu barədə Qazaxıstan PA - "Aqorda" məlumat yayıb.
Bildirilib ki, dövlət başçısı Muxtar Rayonunun Urumçi şəhərinə gəlib. Onun Çin Kommunist Partiyasının Sincan-Uyğur Muxtar Rayonu üzrə katibi Ma Sinqrui ilə görüş keçirməsi planlaşdırılır.
Məlumata görə, görüş zamanı regional əməkdaşlığın cari məsələləri müzakirə olunacaq.
Xatırladaq ki, Çinin Qazaxıstanla həmsərhəd Sincan-Uyğur Muxtar Rayonunda türk-müsəlman uyğur etnik qrupu yaşayır.
