Çexiya prezidenti Petr Pavel Praqada keçirilən anım tədbiri zamanı təsadüfən əsgərin papağını bayraq dirəyi ilə vuraraq yerə salıb.
Modern.az BBC-yə istinadən xəbər verir ki, zabit mərasim zamanı diqqətdə qalıb və heç bir reaksiya verməyib.
Digər zabitlərdən biri əyilərək papağı götürüb. Pavel isə X-də zabitdən üzr istəyib:
"Bu, şübhəsiz ki, standart hərbi prosedura yeni element əlavə etmək cəhdi deyildi. Mən sadəcə bayraq dirəyinin çəkisini düzgün qiymətləndirmirdim".
