“Bu il biz orduda hərbi formanın dəyişdirilməsi prosesinə başlamışıq”.
Modern.az xəbər verir ki, bunu Ermənistanın müdafiə naziri Suren Papikyan parlamentdə bildirib.
“Bu, təkcə bir paltarın rəngini digərinə dəyişmək təşəbbüsü deyil, həm də əhəmiyyətli dəyişiklikdir. Bunun ictimai rəyi ifadə etməli və bütün beynəlxalq standartlara cavab verməli olduğunu nəzərə alaraq, formanın dizaynı və keyfiyyəti ilə bağlı fikirlərini bildirə biləcək bütün erməni mütəxəssisləri prosesə cəlb etmək üçün tender elan etdik”, - Papikyan deyib.
Nazir qeyd edib ki, bir sıra Ermənistan şirkətləri tenderdə iştirak edib və birinci ixtisas mərhələsindən keçiblər.
"İkinci mərhələdə iştirak etmək üçün yalnız ordunun bir qolunun hərbi qulluqçuları üçün geyimlərin yaradılması ilə bağlı müraciətlər edilib. Təəssüf ki, digər hərbi bölmələrin hərbi qulluqçuları üçün geyim formalarının yaradılması üçün iştirakçı yoxdur. Biz beynəlxalq tərəfdaşlarımızla işləyirik. yaxın günlərdə təkliflər alacağıq və onları öz ideyalarımıza, erməni simvollarına uyğunlaşdıracağıq, nəticədə tender elan edəcəyik”, - deyə Suren Papikyan bildirib.
