"Ermənistan KTMT-dən çıxmaq barədə qərar qəbul etməyib".
Modern.az Ermənistan mətbuatına istinadən xəbər verir ki, bunu Ermənistan parlamentinin sədri Alen Simonyan jurnalistlərlə keçirdiyi brifinqdə deyib.
“Biz KTMT-dən çıxmaq barədə qərar qəbul etməmişik. Başqa bir məsələ KTMT-nin özünün necə mövqe tutmasıdır. Bu, üzvlərindən biri təhlükədə olanda hansısa tədbir görmək üçün yaradılmış strukturdur, elə deyilmi?", - deyə parlament sədri təşkilatın varlıq səbəbini sorğulayıb.
"Bu sual KTMT-yə üzv olan digər ölkələrə ünvanlanıb. Çünki yeri gəlmişkən, Ermənistan KTMT-yə sədrlik edən ölkə olanda KTMT təşkilata üzv olan ölkələrdən birində əməliyyat keçirib", - deyə o qeyd edib.
