Rusiyanın Bryansk vilayətində 5 nömrəli gimnaziyanın şagirdi məktəbdə qəfildən atəş açmağa başlayıb.
Modern.az "Kommersant"a istinadən xəbər verir ki, səlahiyyətlilər 2 nəfərin həyatını itirdiyini və 4 yaralı olduğunu bildirib.
Güman ki, ölənlər arasında atıcının özü də olub. İstintaq Komitəsi cinayət işi açıb.
"Səkkizinci sinif şagirdi odlu silah gəzdirib, ondan bir neçə dəfə atəş açıb", - qızın məktəbə atasına məxsus silahı gətirdiyinə aydınlıq gətirən mənbə deyib.
Məktəblilər təxliyə edilib. İdman zalı polis əməkdaşları tərəfindən mühasirəyə alınıb.
