"Mən, Gürcüstan, Ukrayna və Moldovadan olan həmkarlarım İlia Darçiaşvili, Dmitro Kuleba və Niku Popeskunu, eyni zamanda bu üç ölkənin xalqını Aİ-nin mühüm qərarları münasibətilə təbrik edirəm".
Modern.az xəbər verir ki, bu barədə Ermənistanın xarici işlər naziri Ararat Mirzoyan X-də paylaşım edib.
"Bu, Avropa ailəsi, demokratik prinsipləri bölüşənlər üçün tarixi bir gündür", - o yazıb.
Qeyd edək ki, dünən Avropa İttifaqının sammitində Gürcüstana namizədlik statusu verilməsi, artıq namizəd statusu olan Ukrayna və Moldova ilə isə üzvlük danışıqlarına başlanması ilə əlaqədar qərar verilib.
