Ermənistanın xarici işlər naziri Ararat Mirzoyan BMT baş katibinin müavini, BMT-nin Avropa İqtisadi Komissiyasının icraçı katibi Tatyana Molçanla görüşüb.
Modern.az "Armenpress"ə istinadən xəbər verir ki, bu barədə Ermənistan Xarici İşlər Nazirliyi məlumat yayıb.
"Görüş zamanı Ermənistan ilə BMT strukturları, o cümlədən BMT-nin Avropa İqtisadi Komissiyası arasında əməkdaşlığın genişləndirilməsi, birgə layihələrin həyata keçirilməsi ilə bağlı məsələlər müzakirə olunub. Sənaye, o cümlədən enerji və infrastrukturun inkişaf etdirilməsi sahələrində gələcək əməkdaşlıq imkanlarına, BMT-nin Dayanıqlı İnkişaf Məqsədlərinin həyata keçirilməsinə toxunulub", - məlumatda deyilir.
Ararat Mirzoyan və Tatyana Molçan regional məsələlər ətrafında da fikir mübadiləsi aparıblar.
