Çilinin Antofaqasta bölgəsində 5,7 bal gücündə zəlzələ baş verib.
Modern.az xəbər verir ki, ABŞ Geoloji Xidmətinin məlumatına görə, zəlzələnin episentri Antofaqasta bölgəsindəki Tokopilla şəhərindən 22 kilometr şimalda yerləşib.
İlkin məlumata görə, 54 kilometr dərinlikdə baş verən zəlzələ zamanı dağıntı və ölüm faktı qeydə alınmayıb.
Çili mətbuatının məlumatına görə, zəlzələnin maqnitudası 5,9 olaraq hesablanıb.
Dünyada ən çox seysmik hərəkətlərə malik ölkələrdən biri olan Çili “Alov halqası” kimi tanınan Sakit Okean Seysmik Bölgəsində yerləşir.
