"Rusiyanın Ukraynaya təcavüzünün üçüncü ili Zelenski üçün ən çətin il ola bilər".
Modern.az xəbər verir ki, bunu "The Guardian" yazıb.
Nəşr yazıb ki, yaxın aylarda Volodimir Zelenskinin qarşısında bir vəzifə durur. Rusiyanın Ukraynaya genişmiqyaslı işğalının üçüncü ilinə daxil olduğu bir vaxtda Ukrayna prezidentini çox çətin balanslaşdırma aktı gözləyir.
"Ukrayna cəmiyyəti müharibədən tükənib və beynəlxalq dəstək parçalanır, bu da cəbhədə kritik sursat çatışmazlığına səbəb olur. Eyni zamanda, ukraynalıların çoxu sülh sazişi ideyasını qəbul etmək istəmirlər. Rusiyanı buna əməl etməyə məcbur edəcək mexanizmlər azdır və sadəcə olaraq Moskvaya öz qüvvələrini artırmaq və Ukraynaya yenidən zərbə endirmək üçün vaxt vermək riski var”, - deyə qeyd olunub.
