İran Prezidenti Məsud Pezeşkian bildirib ki, atəşkəsin pozulması, dəniz blokadası və ABŞ tərəfindən edilən təhdidlər real danışıqlar üçün əsas maneələrdir.
Modern.az xəbər verir ki, Pezeşkian bu barədə X hesabında yazıb.
O qeyd edib ki, Tehran dialoqu və danışıqlar yolu ilə razılaşmanı dəstəkləyir və bunu davam etdirir. O əlavə edib ki, “öhdəliklərin pozulması, blokada və təhdidlər həqiqi danışıqlara əsas maneələrdir”.
Prezident ABŞ Prezidenti Donald Trampa müraciət edərək deyib: “Dünya sizin bitib-tükənməyən ikiüzlü ritorikanızı və bəyanatlarla əməllər arasındakı ziddiyyəti görür”.
Bundan əvvəl İran parlamentinin sədri Məhəmməd Baqir Qalibaf bildirmişdi ki, “tam atəşkəs yalnız o zaman məna kəsb edir ki, o, dəniz blokadası və dünya iqtisadiyyatının girov götürülməsi ilə pozulmasın və İsrailin müharibə ritorikası bütün cəbhələrdə dayandırılsın”.
