Fələstin Xarici İşlər Nazirliyi Misirin Dimyat limanında iki gəmiyə pilotsuz uçuş aparatları ilə həyata keçirildiyi bildirilən hücumları qətiyyətlə pisləyib.
Modern.az xəbər verir ki, “Əl-Cəzirə” telekanalının yaydığı məlumata görə, Fələstin tərəfi hadisə ilə bağlı bəyanatında Misirin təhlükəsizliyi və sabitliyinin Yaxın Şərqdə ümumi təhlükəsizliyin ayrılmaz hissəsi olduğunu vurğulayıb.
Nazirlik bildirib ki, hər hansı dövlətin suverenliyinə və ya təhlükəsizliyinə qarşı yönələn hücumlar beynəlxalq hüququn kobud şəkildə pozulmasıdır və regionda sülhə, sabitliyə ciddi təhdid yaradır.
Bəyanatda beynəlxalq ictimaiyyətə gərginliyin daha da artmasının qarşısını almaq üçün lazımi addımların atılması çağırışı da yer alıb.
