Rusiya tərəfi Ukraynanın Çerniqov vilayətinin Priluki şəhərinə raket zərbəsi endirib. Nəticədə 5 nəfər ölüb, 26 nəfər yaralanıb.
Modern.az xəbər verir ki, Ukrayna Prezidenti Volodimir Zelenski yaralananlar arasında 5 uşağın da olduğunu bildirib. O, əlavə edib ki, dağıntılar altında insanlar ola bilər.
“Putinin ad günündə Rusiya ordusu Çerniqov vilayətinin Prilukidə yaşayış binasının dağıdılmasını hədiyyə etdi”, - deyə Zelenski qeyd edib.
Ukrayna Prezidenti Dnepr, Kremençuk, Zaporojye və Kiyevdə yaşayış binalarına da ziyan dəydiyini bildirib. Onun sözlərinə görə, Kiyevdə 2, Aleksandriyada isə 2 nəfər həlak olub.
Zelenskinin sözlərinə görə, enerji infrastrukturu hücumların əsas hədəflərindən biri olub. O bildirib ki, Rusiya ümumilikdə 70-ə yaxın raket, o cümlədən ballistik raketlər, həmçinin pilotsuz uçuş aparatları ilə zərbələr endirib.
“Rusiya ballistik raketləri ən böyük problem olaraq qalır. Hazırda hava hücumundan müdafiə sistemləri bizim üçün həyati əhəmiyyət daşıyır”, - deyə Zelenski əlavə edib.
