"Real Madrid"in hücumçusu Kilian Mbappe sıradan çıxıb.
Modern.az xəbər verir ki, bu barədə klubun mətbuat xidməti məlumat yayıb.
Bildirilib ki, Fransalı hücumçu La Liqanın 33-cü turunun "Betis"lə matçında (1:1) ayaq əzələsindən zədə alıb. 27 yaşlı forvardın yaşıl meydanlara qayıdacağı tarix barədə məlumat verilməyib.
Qeyd edək ki, Mbappe "Real"ın heyətində meydana çıxdığı 41 matçda 41 qol və 6 məhsuldar ötürmə ilə yadda qalıb.
