“Titanik” və “Avatar” filmlərinin məşhur rejissoru Ceyms Kemeron Ermənistana səfər edəcək.
Modern.az xəbər verir ki, bu barədə Armenian Film Society məlumat yayıb.
Bildirilib ki, Ceyms Kemeron noyabrın 23-də İrəvana gələcək.
Məşhur rejissor Karen Dəmirçyan adına İdman-Konsert Kompleksində keçiriləcək görüşdə iştirak edəcək. Görüş zamanı Kemeron yaradıcılıq karyerasından, kino sənayesindən və texnoloji innovasiyalardan danışacaq. O, həmçinin tamaşaçıların suallarını cavablandıracaq.
Ceyms Kemeron “Titanik”, “Avatar”, “Terminator”, “Əcnəbilər” və digər məşhur filmlərin rejissoru kimi tanınır.
