Arxiv
4 Yanvar 2019, 16:44 | TƏHSİL
Universitetlərdə qış imtahanları keçirilir - Ən şəffaf vəziyyət hansı ali məktəbdədir?

Yanvar ayı ali məktəblərdə qış imtahanlarının keçirilməsi ilə xarakterizə olunur. Tələbələr bir ay boyunca, əlaçılıq, zərbəçilik ya da sadəcə imtahanları kəsrsiz yola vermək uğrunda bir növ mübarizə aparırlar.

Bu il payız semestrinin qış imtahan sessiyası yanvar ayının 3-dən başladı.  ADA Universiteti istisna olmaqla bütün ali məktəblərdə bu ayın sonuna qədər imtahanlar davam edəcək.

Modern.az-ın əməkdaşı  ali məktəblərlə əlaqə saxlayıb, imtahan ayına hazırlıq, tələbələrin təklif və şikayətləri haqqında maraqlanıb.


Bakı Dövlət Universitetinin (BDU) mətbuat katibi Pərvanə İbrahimovanın sözlərinə görə, BDU-nun rektoru vəzifəsini icra edən, Azərbaycan Respublikası təhsil nazirinin müavini Firudin Qurbanov imtahan başlamazdan əvvəl dekanlar, koordinator-müəllim və rəhbər koordinatorlarla görüşüb:

“Görüşdə Firudin Qurbanov imtahanların şəffaf keçiriləcəyinə, tələbələrin biliyinin qiymətləndirilməsində obyektivliyin təmin olunacağına əminliyini ifadə etdi.

BDU-da 22 minə yaxın bakalavr və 1523 nəfər magistrantın iştirak etdiyi imtahanlar yanvarın 3-dən 31-dək keçiriləcək.

İmtahan sessiyasının gedişinə nəzarət etmək, tələbə və valideynlərin, həmçinin ictimaiyyətin müraciətlərinin qəbulu və araşdırılması məqsədi ilə Qərargah və onun nəzdində «Qaynar xətt» yaradılıb. Bu məqsədlə universitetin bütün tədris korpuslarında şikayət, təklif və məlumatlar üçün xüsusi qutular qoyulub. İmtahanların nəticələri barədə şikayətlərə vaxtında baxmaq və aşkar edilmiş çatışmazlıqları aradan qaldırmaq məqsədilə Qərargahın nəzdində təbiət və humanitar fakültələr üzrə apellyasiya komissiyaları yaradılıb.

Onu da qeyd edək ki, imtahan sessiyası dövründə universitetin İctimai Nəzarət Şurasının, valideynlərin və ictimaiyyət nümayəndələrinin iştirakı ilə “Açıq qapı” günlərinin keçirilməsi də nəzərdə tutulub”.

Azərbaycan Dövlət İqtisad Universitetinin (UNEC) mətbuat xidmətindən isə bildirilib ki, ayın 3-dən başlayan imtahanlar bu gün də normal axarda davam edib:

“Yanvarın 3-dən start verilən imtahan sessiyası dövründə tələbələrin biliyinin obyektiv qiymətləndirilməsi və şəffaflığın təmin edilməsi prioritet seçilib. Hər il olduğu kimi, bu il də UNEC-də imtahanlar ictimaiyyətə açıq keçiriləcək. İmtahanlara nəzarət UNEC İctimai Nəzarət Şurasına həvalə edilib. Bu ildən Nəzarət Şurasında tələbə rektor da təmsil olunacaq. Onlar sessiyanın nəticələrini ötən illə müqayisə edərək, təhlil aparacaqlar. Eyni zamanda fakültələrin də monitorinqini həyata keçirəcəklər. QHT nümayəndələri tələbələr arasında sessiya ilə bağlı anonim sorğu keçirərək imtahanların təşkili və tələbə biliyinin qiymətləndirilməsi ilə bağlı real vəziyyəti ortaya çıxaracaqlar. Sessiya dövründə UNEC-in bütün tədris binalarında qərargahlar və “Qaynar Xətt” xidməti fəaliyyət göstərəcək. Bununla yanaşı, müraciətlərin bir mənbədə toplanması və operativ cavablandırılması üçün UNEC IMTAHAN Facebook səhifəsi aktiv olacaq. Eyni zamanda UNEC-in rektoru, professor Ədalət Muradov şəxsi Facebook səhifəsindən ona ünvanlanan müraciətləri cavablandıracaq. Sessiya dövründə hər həftənin şənbə günü rektorun və İctimai Nəzarət Şurasının üzvlərinin iştirakı ilə “Açıq qapı” günləri keçiriləcək. Radio UNEC-də isə imtahan prosesinə məsul şəxslər imtahan prosesinin gedişi barədə məlumat verəcək, tələbələrin suallarını cavablandıracaq. Tələbələr apelyasiya ərizəsini şəxsi kabinetlərindən göndərərək, prosesi izləyə, eyni zamanda müraciətlərinə operativ cavab ala biləcəklər. Sessiyanın sonuna kimi UNEC-in 24/7 kitabxanası tam, digər kitabxana və oxu zalları isə gücləndirilmiş rejimində işləyəcək”. 

 

Azərbaycan Dillər Universitetinin mətbuat katibi Ağa Cəfərli qeyd edib ki, ali məktəbdə imtahanlar tam şəffaf şəkildə keçirilir:

“Universitetin rektoru Kamal Abdulla dəfələrlə Valideynlər Şurasının üzvlərinə müraciət edib və imtahana məsul olan şəxslərə də tapşırıb ki, valideynlər mütləq imtahan prosesini müşahidə etməlidirlər.

Yaxın günlərdə ADU-da mediatur keçirməyi də planlaşdırmışıq. Mətbuat nümayəndələri üçün şərait yaradırıq ki, imtahan prosesini müşahidə etsinlər.

Bu sessiyada bəzi yeniliklər var. Rektorumuzun qərarı ilə imtahan müddəti 2 saatdan 3 saata qədər uzadıldı. Tələbələrin təklif və şikayətləri ilə məşğul olacağıq. ADU tələbələri imtahan nəticələrindən narazı qaldığı halda apellyasiya şikayəti vermək hüququ qazanırlar. Əvvəl bir gün müddətində apellyasiyaya vermək hüquqları var idi. İndi isə növbəti imtahana qədər onlar apellyasiyaya şikayət edə bilərlər.

Tələbələr üçün yaradılan imtahan qərargahının üzvləri onların müraciətlərinə baxacaq. Həmçinin, ADU tələbələri şəxsən rektora da müraciət edə bilərlər. İndiyə qədər Kamal müəllimə müraciət edənlər çox olub. Rektorumuz səbrlə tələbələri dinləyib, onların xeyrinə addımlar atır”.  

Azərbaycan Dövlət Pedaqoji Universitetində (ADPU) də imtahan sessiyası başlayıb. Universitetdən verilən məlumata görə, təhsil naziri Ceyhun Bayramovun  “İmtahan sessiyasının təşkili və keçirilməsi barədə” imzaladığı 11 dekabr 2018-ci il tarixli əmrinin icrası ilə bağlı müvafiq addım atılıb:

“Payız semestrinin imtahan sessiyasında tələbələrin şikayətlərinin araşdırılması və düzgün qiymətləndirilməni təmin etmək məqsədilə 9 nəfərdən ibarət Apellyasiya Komissiyası yaradılıb. Apellyasiya Komissiyasının sədri siyasi elmlər üzrə fəlsəfə doktoru Rəşad Sadıqovdur. Apellyasiya Komissiyası ADPU-nun Üzeyir Hacıbəyli küçəsi-68 ünvanındakı I nömrəli tədris binasının II mərtəbəsində, 240 nömrəli  otaqda fəaliyyət göstərir. Apellyasiya Komissiyasının telefon nömrəsi 498-17-94-dür. Eyni zamanda, payız semestrinin imtahan sessiyasının obyektivliyini və şəffaflığını təmin etmək məqsədilə 8 nəfərdən ibarət İmtahan Qərargahı yaradılıb. İmtahan Qərargahının sədri siyasi elmlər üzrə fəlsəfə doktoru, dosent Asif Axundovdur. İmtahan Qərargahı və “Qaynar xətt” də universitetin Üzeyir Hacıbəyli küçəsi-68 ünvanındakı I nömrəli tədris binasının II mərtəbəsində, 205 nömrəli otaqda fəaliyyət göstərir”.


Bakı Mühəndislik Universitetinin mətbuat xidmətinin rəhbəri Rəcəb Rza da universitetdəki imtahan sessiyası haqqında danışıb. O diqqətə çatdırıb ki, Təhsil Nazirliyinin “İmtahan sessiyasının təşkili və keçirilməsi barədə” müvafiq əmrinə uyğun olaraq, Bakı Mühəndislik Universitetində (BMU) 2018-2019-cu tədris ilinin payız semestrinin imtahan sessiyası yanvar ayının 3-də başlayıb və fevral ayının 2-dək davam edəcək:

“İmtahan prosesində tələbələrə biliklərini nümayiş etdirmək üçün lazımi şərait yaradılıb. Bütün imtahanların nəticələri günün sonunda BMU-nun Tələbə Məlumat Sisteminə (TMS) yerləşdirilir. Qeyd edək ki, BMU-da imtahan sessiyasının mövcud qaydalara uyğun təşkil edilməsi, tələbələrin biliyinin qiymətləndirilməsində şəffaflığın və obyektivliyin təmin olunması, imtahan sessiyasının gedişinə nəzarət etmək, tələbə və valideynlərin müraciətlərinin qəbulu və araşdırılması məqsədilə Qərargah və onun nəzdində “Qaynar xətt” də yaradılıb”.

Dövlət Gömrük Komitəsinin Akademiyasında isə rəis Qulu Novruzovun sərəncamı ilə qış sessiyasında imtahanların təşkili və onların gedişinə ciddi nəzarətin həyata keçirilməsi üçün işçi qrupu yaradılıb. Akademiyadan verilən məlumata görə, Qulu Novruzov işçi qrupun üzvləri ilə görüşüb, imtahanların təşkilinin və nəzarətin yüksək səviyyədə həyata keçirilməsinin, tələbələrin biliyinin qiymətləndirilməsində obyektivliyin təmin olunmasının vacibliyini bildirib:

“Sessiyanın gedişində tələbələrə imtahanlarla bağlı şikayət, rəy və təkliflərini müvafiq elektron ünvana göndərmək imkanı yaradılıb. Bununla yanaşı, imtahanların nəticələri barədə şikayətlərə vaxtında baxmaq məqsədilə apellyasiya komissiyası da fəaliyyət göstərir. Akademiyada imtahanlar yanvarın 3-dən fevralın 1-dək keçiriləcək”.

Azərbaycan Universitetində rektor Səadət Əliyevanın əmri ilə “İmtahan qərargahı” yaradılıb. Universitetin məlumatına görə, qərargahın məqsədi payız semestrinin imtahan sessiyasının mövcud normativ sənədlər əsasında təşkil olunması, sessiya dövründə  tələbələrin biliyinin qiymətləndirilməsində şəffaflıq və obyektivliyin təmin edilməsi, imtahanların təşkilinə və gedişinə nəzarət, yarana biləcək neqativ halların aradan qaldırılmasıdır:

“Qərargaha daxil olan hər bir müraciət və şikayətlərin operativ şəkildə araşdırılması üçün tədbirlər görülüb. Həmçinin, sessiya dövründə şəffaflığın təmin edilməsi üçün imtahanlarda ictimaiyyət nümayəndələrinin və valideynlərin iştirakına şərait yaradılır. İmtahanlarda iştirak etmək istəyənlər (+99412) 431 41 12 (daxili 118) nömrəli telefon vasitəsi ilə Tədris şöbəsinə müraciət etməlidirlər.

Qış imtahan sessiyası dövründə tələbələrin biliyinin yenidən qiymətləndirilməsi və imtahan zamanı baş vermiş münaqişələrin aradan qaldırılması üçün Apellyasiya Komissiyası da fəaliyyət göstərir. 

 

Qərbi Kaspi Universitetində isə imtahanlar ayın 7-dən başlayacaq. Universitetin mətbuat katibi Vüsal Məmmədovun sözlərinə görə, həm İmtahan Mərkəzi, həm fakültələr, həm də tələbələr imtahanlara artıq hazırlaşırlar: “Tələbələrin müraciətlərini operativ şəkildə araşdırmaq üçün Apelliyasiya Komissiyası yaradılıb. Məlumat üçün bildirək ki, Qərbi Kaspi Universitetində mövcud imtahan formaları ilə yanaşı (test üsulu, şifahi imtahan, baxış imtahanı, açıq suallar), yeni imtahan modelləri sınaqdan çıxarılır:

Bu modellər “Açıq kitab”, “Təqdimat”, “Keys həlli” kimi imtahan formalarıdır. Yeniliklərdən biri də budur ki, tələbələr imtahan formasını özləri seçmək hüququna da malikdirlər. Bu imtahan modelləri tələbələrə yalnız nəzəri deyil, praktik biliklərin də mənimsəməyə imkan verir, tələbələrin səthi biliklərdən, əzbərçilikdən uzaqlaşaraq, düşünmək və təhlil aparmaq qabiliyyətini üzə çıxarır və inkişaf etdirir. “Açıq kitab” üsulunda tələbələr imtahan keçirilən müddətdə istənilən sayda kitab, mühazirə və əlavə dərs materiallarından istifadə edə bilər.

Bununla belə suallar elə hazırlanır ki, birbaşa cavabı bu materiallarda tapmaq mümkün olmur.

Kitabda hər hansı tarix, ad və s. kimi məlumatlara baxıla bilər, lakin sual hər hansı prosesin səbəbini, tələbənin gələcək mütəxəssis kimi qoyulan situasiyaya münasibətini tələb edir. “Keys həlli” üsulu isə tələbələrin gələcək iş həyatlarında qarşılaşacaqları real problemlər əsasında qurulan keys məsələlərinin həlli ilə bağlıdır. Bu zaman tələbə vəziyyətin ümumi təsvirini təhlil edir, çatışmazlıqları və onların yaranma mənbələrini tapır, ən əsası isə problemin aradan qaldırılması üçün təkliflər hazırlayır. Əlavə edək ki, hər hansı bir fənn üzrə imtahandan müvəffəq nəticə göstərməmiş tələbələr üçün tamamilə ödənişsiz əsaslarla intensiv kurslar, konsultasiya saatları və iki təkrar imtahan təşkil olunur”.

BU KATEQORİYADAN OLAN DİGƏR XƏBƏRLƏR
+ Arxiv
Bərdədə iki qadını maşın vurdu 16 İyul 2019, 22:53 Avropa Komissiyasına yeni sədr seçildi 16 İyul 2019, 22:39 Azərbaycana qarşı təxribata əl atanlar cəzalandırıldı 16 İyul 2019, 22:18 Göyçayda gənc qadın özünü kanala atdı 16 İyul 2019, 22:04 “Biz azarkeşlərimizi sevindirmək istəyirik” - Qurban Qurbanov 16 İyul 2019, 21:39 Bakıda gənc oğlan bıçaqlandı 16 İyul 2019, 21:28 Ombudsman boşanmalardan danışdı 16 İyul 2019, 21:12 "Mərhələ adlamaq üçün əlimizdən gələni edəcəyik" - Baş məşqçi 16 İyul 2019, 20:59 Bərdə Müalicə-Diaqnostika Mərkəzində ölüm 16 İyul 2019, 20:43 Diplomatların Bakı müzakirəsi 16 İyul 2019, 20:30 “Dövlət müstəqilliyimizi fədakarlıqla qorumalıyıq” - Əli Nağıyev 16 İyul 2019, 20:17 Beynəlxalq Valyuta Fondunun baş direktoru istefa verdi 16 İyul 2019, 20:01 Quba və Xaçmaza infotur təşkil olunub 16 İyul 2019, 19:50 Bakıda axundu qətlə yetirən şəxsin istintaqı başa çatıb 16 İyul 2019, 19:42 İranda mikroavtobus aşıb, 11 nəfər ölüb 16 İyul 2019, 19:37 Almaniya silahlarının əsas müştərisi Türkiyədir 16 İyul 2019, 19:32 Metronun "Nərimanov" stansiyasında uşaq itib   16 İyul 2019, 19:25 Ələtdə 70 yaşlı kişi nəvəsi ilə birlikdə dənizdə boğularaq ölüb 16 İyul 2019, 19:11 Azərbaycan və Gürcüstan vətəndaşları qızışdırıcı çağırışlara uymamalıdır 16 İyul 2019, 18:54 Şəkidə 2 azyaşlı yol qəzasında yaralandı 16 İyul 2019, 18:45 Serj Sarkisyan Baden-Badendən Yunanıstana getdi 16 İyul 2019, 18:32 Şəkidə turistlərlə bağlı növbəti insident – xəsarət alan yoxdur 16 İyul 2019, 18:19 Gəncədə BMT-nin də iştirakı ilə dinləmə keçirildi 16 İyul 2019, 18:16 Bakıda cərrahi əməliyyat olunan Qusar sakini bir həftə sonra öldü 16 İyul 2019, 18:06 Baş nazir Keşikçidağda törədilən insidentdən danışdı 16 İyul 2019, 17:55 Nigeriyada 10  türkiyəli dənizçi girov götürüldü 16 İyul 2019, 17:30 Məşhur iş adamı Xəzərin sahilini hasarladığına görə cərimələndi 16 İyul 2019, 17:24 Xüsusi qabiliyyət tələb edən ixtisaslara qeydiyyat bu gün başa çatır 16 İyul 2019, 17:20 Manat və dolların sabahkı məzənnəsi 16 İyul 2019, 17:05 Rövşən Rzayev vətəndaşları qəbul etdi 16 İyul 2019, 16:59 Şəmkirdə muzey əşyaları ilə bağlı təqdimat keçirildi 16 İyul 2019, 16:54 Türk alimləri süni ürək və qaraciyər hazırlayır 16 İyul 2019, 16:43 Pomidor ucuzlaşacaq – Nazirlikdən AÇIQLAMA 16 İyul 2019, 16:42 Dövlət Sərhəd Xidmətinin rəisi tapşırıqlar verdi 16 İyul 2019, 16:35 Elmar Məmmədyarov komitə sədrləri ilə görüşdü 16 İyul 2019, 16:32