Azərbaycanda iyulun 14-dən həftənin sonunadək bəzi rayonlarda hava şəraitinin qeyri-sabit keçəcəyi gözlənilir.
Modern.az xəbər verir ki, bu barədə Milli Hidrometeorologiya Xidməti məlumat yayıb.
Məlumata görə, iyulun 14-dən həftənin sonunadək ölkənin bəzi dağlıq və dağətəyi rayonlarında fasilələrlə yağıntılı hava şəraiti müşahidə olunacaq.
Ayrı-ayrı ərazilərdə yağıntıların lokal leysan xarakterli olacağı, şimşək çaxacağı və dolu düşəcəyi ehtimal edilir.
Bildirilib ki, yağıntılarla əlaqədar bəzi dağ çaylarında sululuğun artacağı da proqnozlaşdırılır.
