Dünən havanın kəski isti keçməsi səbəbilə Bakı şəhəri Təcili və Təxirəsalınmaz Tibbi Yardım Stansiyasına 16 müraciət daxil olub.
Bu barədə Səhiyyə Nazirliyindən Modern.az-ın sorğusuna cavab olaraq bildirilib.
Rəsmi məlumata görə, müraciət edənlərdən biri qız, biri oğlan olmaqla 2-si uşaq, 10-u kişi, 6-sı qadındır:
“Həmçinin, onlardan 10 nəfəri hospitalizasiya edilib. 6 nəfərinə yerində yardım göstərilib”.
Qeyd edək ki, Ekologiya və Təbii Sərvətlər Nazirliyinin Milli Hidrometeorologiya Departamentinin tibbi-meteoroloji proqnozu ilə bağlı əhaliyə xəbərdarlıq edilmişdi. Məlumatda iyunun 24-də Abşeron yarımadasında gündüz saatlarında isti temperatur diskomfortu gözlənildiyi vurğulanmışdı.