Futbol üzrə Azərbaycan Premyer Liqasında I tura yekun vurulub.
Modern.az xəbər verir ki, "Bakcell Arena"da keçirilən turun sonuncu matçında "Neftçi" "Sabah"ı qəbul edib.
Görüşdə ilk qol 33-cü dəqiqədə vurulub. "Sabah"ın heyətində Rəşad Eyubov qapıçı ilə təkbətəkdən qalib ayrılıb. 40-cı dəqiqədə Soni Mustivar flaqmanın bərabərlik qoluna imza atıb.
Qarşılaşma 1:1 hesabı ilə yekunlaşıb.
Qeyd edək ki, ilk turda "Keşlə" evdə "Qarabağ"a, "Zirə" səfərdə "Səbail"ə 0:1, "Qəbələ" öz meydanında "Sumqayıt"a 0:2 hesabı ilə uduzub.