Türkiyə ordusu “Sülh çeşməsi” əməliyyatı çərçivəsində Suriya ərazisində irəliləməyə davam edir.
Modern.az Türkiyə KİV-nə istinadən xəbər verir ki, türk ordusu ilə kürd silahlıları arasında Qamışlı şəhərinin qərbindəki Əl-Həliliyə və Tannura qəsəbələrində döyüş olub.
Türkiyə artilleriyasının isə Suriya kürdlərinin inzibati mərkəz elan etdikləri Qamışlı şəhərinə doğru irəlilədikləri məlumdur. Hazırda türk ordusunun sərhəddə yerləşən Ras-əl-Ayn və Tel-Abyad şəhərlərinə daxil olmağa hazırlaşdığı açıqlanıb.
Artilleriya zərbələri zamanı 7 kürd döyüşçüsününü öldüyü, 16-nın yaralandığı da açıqlanıb.