Nəqliyyat Rabitə və Yüksək Texnologiyalar Nazirliyinin təşkilatçılığı, "ZƏFƏR" Şəhid Ailələrinə Dəstək İctimai Birliyi və "Engineering for kids" MMC-nin tərəfdaşlığı ilə maarifləndirici sosial kampaniyaya start verilib.
Modern.az xəbər verir ki, kampaniya çərçivəsində tədbirlər 14-15 noyabr 2019-cu il tarixlərində reallaşacaq. Cəbhə bölgəsində yerləşən Ağdam rayonunun Çəmənli və Ayaqqərvənd kəndlərində məktəblilər üçün informasiya texnologiyalarının əsasları və sosial media marketinqi, mühəndislik və mexanika mövzuları üzrə keçiriləcək təlim çərçivəsində məktəblilərə hədiyyələr təqdim ediləcək.