Dünyanın ən zəngin azərbaycanlısı, Rusiyanın “Lukoyl” şirkətinin prezidenti Vahid Ələkbərov dekabrın 10-dan 15-nə qədər olan tarixdə sərvətini 600 milyon dollar artırıb.
Modern.az xəbər verir ki, dekabrın 10-da iş adamının sərvəti 21 milyard dollar olsa da, “Lukoyl” şirkətinin səhmlərinin bahalaşmasına görə dekabrın 11-də 21,1 milyard dollar, ayın 15-də isə 21,6 milyard dollara çatıb.
Hazırda Vahid Ələkbərovun 21,6 milyard dollar sərvəti var. Bu göstərici ilə o, hələ də Rusiyanın 3-cü ən zəngin iş adamıdır.
Son 1 ildə 69 yaşlı Azərbaycan mənşəli iş adam sərvətini 5,54 milyard dollar artırıb.