Prezident İlham Əliyevin sərəncamı ilə yaradılmış Koronavirusla Mübarizəyə Dəstək Fonduna ianələr davam edir.
İndiyədək Fonda 112 milyon 574 min 165 manat vəsait köçürülüb.
Bu məbləğin 20 milyon manatı Prezidentin Ehtiyat Fondundan köçürülüb. Qalan hissəsi isə hüquqi (3095) və fiziki şəxslər (10230) tərəfindən yardım edilib. Hüquqi şəxslərdən yığılan vəsaitin məbləği 85 milyon 252 min 958, fiziki şəxslərdən yığılan vəsait isə 6 milyon 980 min 625 manatdır.
Qeyd edək ki, koronavirus pandemiyası ilə bağlı sözügedən Fonda ianə edən şəxslər arasında keçmiş məmurlar, deputatlar da var. Modern.az onların adlarını və köçürdüyü vəsaitin miqdarını (manatla) təqdim edir:
- İsmət Abbasov (Baş Nazirin keçmiş müavini) - 5000
- Hacıbala Abutalıbov (Baş Nazirin keçmiş müavini) - 37 200
- Əflatun Amaşov (keçmiş deputat) - 1730
- Tağı Əhmədov (Bakı Metropoliteninin keçmiş rəisi) - 5000
- Əvəz Ələkbərov (keçmiş Maliyyə naziri) - 5500
- Aydın Əliyev (Dövlət Gömrük Komitəsinin keçmiş sədri) - 3000
- Heydər Əsədov (keçmiş Kənd Təsərrüfatı naziri) - 5000
- Çingiz Əsədulla (keçmiş deputat) - 10 000
- Əliağa Hüseynov (keçmiş deputat) - 2000
- Nazim İmanov (keçmiş deputat) - 500
- Abel Məhərrəmov (BDU-nun keçmiş rektoru, keçmiş deputat) - 3000
- Nuşirəvan Məhərrəmli (MTRŞ-in keçmiş sədri) - 1000
- Etibar Məmmədov (keçmiş deputat, AMİP lideri) - 2000
- Qərib Məmmədov (Dövlət Torpaq və Xəritəçəkmə Komitəsinin keçmiş sədri) - 500
- Ziya Məmmədov (keçmiş Nəqliyyat naziri) - 2000
- Səlim Müslümov (keçmiş Əmək və Əhalinin Sosial Müdafiəsi naziri) - 4500
- Çingiz Qənizadə (keçmiş deputat) - 500
- Elxan Süleymanov (keçmiş deputat) - 7800
- Elmira Süleymanova (keçmiş ombudsman) - 1000
- Mirzəcan Xəlilov (keçmiş deputat) 10 000
- Dilarə Seyidzadə ( Prezidentin keçmiş köməkçisi) - 2000
- Əli Həsənov (Prezidentin keçmiş köməkçisi, şöbə müdiri) - 2250.
