Arxiv
2 İyul 2020, 16:12 | MEDİA
“Haqqı çatanlar mükafatlandırılacaq” - Jurnalistlər Prezidentə təşəkkür etdilər

Prezident İlham Əliyev Azərbaycan milli mətbuatının 145 illik yubileyinin keçirilməsi haqqında sərəncam imzalayıb.

Sərəncamda mətbuatın keçdiyi inkişaf yolu qiymətləndirilərək qarşıda duran vəzifələr qeyd olunub. Eyni zamanda, ölkə başçısı rəsmi sənəddə  jurnalist təşkilatlarının və redaksiyaların təklifləri əsasında Azərbaycan milli mətbuatının inkişafında xüsusi xidmətləri olan jurnalistlərin mükafatlandırılması məsələsinə toxunub.


Prezidentin bu təşəbbüsünü media nümayəndələri necə qiymətləndirir?


Modern.az
mövcud sualla bağlı bəzi mətbuat nümayəndələrinin fikirilərini öyrənib:

 

Parlament Jurnalistləri Birliyinin (PJB) sədri Elşad Eyvazlı Milli Mətbuatımızın 145 illiyi ilə bağlı ölkə Prezidenti tərəfindən imzalanan sərəncamı yüksək qiymətləndirib:


“Bu sərəncam bütün ölkə jurnalistləri tərəfindən yüksək dəyərləndirilir. Çünki jurnalistlər sərəncamdan da gördülər ki, dövlət başçısı onların müdafiəçisidir və mətbuatın inkişafında çox maraqlıdır.

Bundan başqa, görünən mənzərə odur ki, jurnalist təşkilatlarının və redaksiyaların təşəbbüslərinə dəstək veriləcək.

Artıq jurnalistlərə böyük dəyər verilir və bizlər də öz növbəmizdə Prezidentin bu addımını alqışlayırıq. Eyni zamanda, təşkilat kimi də öz üzərimizə düşən yükü yerinə yetirməyə borcluyuq. Əminik ki, əvvəlki illərdən fərqli olaraq bu dəfə mətbuat nümayəndələri heç bir haqsızlıqla üzləşməyəcək. Çünki artıq informasiyaları ölkə rəhbərliyinə çatdıracaq doğru-dürüst adamlar var. Buna mən KİVDF-nin icraçı direktoru Əhməd İsmayılovla görüşdə bir daha əmin oldum. Əhməd İsmayılov mətbuatın problemləri barədə kifayət qədər məlumatlıdır, medianın inkişaf konsepyiası ilə bağlı da maraqlı və fərqli üslubda, mətbuatı qabağa aparacaq fikirləri var. Yeni rəhbərlik “mən hər şeyi düzgün bilirəm” iddiasını irəli sürüb heç bir jurnalistin fikrinə əhəmiyyət verməmək kimi məsələlərdən uzaqdır və jurnalistlərə açıqdır. Düşünürük ki, Azərbaycan mediasının inkişafını istəyən jurnalistlərin təklifləri ölkə rəhbərliyinə çatdırılacaq. Bu da bizdə həmin sərəncamdan irəli gələn müddəaların yerinə yetirilməsində ruh yüksəkliyi yaradır.

Ümumilikdə, hesab edirəm ki, jurnalistikanın inkişafında əməyi keçənlərin heç biri diqqətdən kənarda qalmayacaq. Biz Prezidentimizə təşəkkürümüzü bildiririk”.

 

“Yeni Müsavat” qəzetinin əməkdaşı Elşad Paşasoy Prezidentin “jurnalistlər mənim köməkçilərimdir” ifadəsinin sərəncamla bir daha sübut olunduğunu deyir:


"Pandemiyanın ortaya çıxardığı reallıqlar və fəsadlar çox təəssüf ki, təkcə bizim cəmiyyəti deyil, ümumiyyətlə, bütün bəşəriyyəti bir sıra məsələlərdən məhrum edib. Belə bir durumda Azərbaycan Prezidentinin Milli mətbuatımızın 145 illik yubileyinin keçirilməsi ilə bağlı sərəncam imzalaması təqdirəlayiq addımdır və media ictimaiyyəti tərəfindən məmnunluqla qarşılanır. Koronavirus pandemiyası səbəbindən Azərbaycan daxil, dünya boyunca bir çox mühüm tədbirlər, idman oyunları və digər planlaşdırılmış mərasimlər təxirə salındığı halda, dövlətimizin başçısının Milli mətbuatın yubiley tədbirini keçirməklə bağlı müvafiq qurumların qarşısında konkret vəzifələr qoyması sıradan bir məsələ deyil. Ölkə rəhbəri bununla bir daha nümayiş etdirdi ki, mətbuata böyük önəm verir, onun inkişafında maraqlıdır və təsadüfən “jurnalistlər mənim köməkçilərimdir” deməyib. Cənab İlham Əliyev fəaliyyəti dövründə medianın inkişafı istiqamətində çox ciddi və tarixi addımlar atıb. Elə KİV-ə Dövlət Dəstəyi Fondunun yaradılması, jurnalistlərin mənzil-məişət şəraitinin yaxşılaşdırılması məqsədilə dövlət büdcəsindən jurnalistlər üçün evlərin tikilməsi, mətbuatımızda xidmətləri olan həmkarlarımızın mükafatlandırılması kimi addımlar bu qəbildəndir. Ölkə rəhbəri hətta bir sıra hallarda məmurların ona çatdırmadığı informasiyaları alternativ mənbələrdən, konkret halda mətbuatdan aldığını deyirsə və medianın rolunu qiymətləndirirsə, bu, sıradan bir məsələ deyil. Odur ki, yubiley tədbiri barədə sərəncam da məhz bu kontekstdən qiymətləndirilməlidir”.

 

E.Paşasoy mətbuatın 145 illiyi ilə bağlı yubileyin keçirilməsi qərarınından xeyli məmnun qalıb:

 

“Dünyada elan olunmamış müharibənin davam etdiyi və nə zaman bitəcəyi bəlli olmadığı halda, Ali Baş Komandan, Prezident  Azərbaycanın Milli mətbuatının 145 illik yubileyinin, Operativ Qərargahın tətbiq etdiyi qaydalar nəzərə alınmaqla da olsa, keçirməyi tövsiyə edib, bu, mətbuatımızın tarixinə həkk olunacaq qədər önəmli qərardır.

Milli mətbuatımızın yaradıcısı, böyük ədibimiz Həsən bəy Zərdabi zamanında “Əkinçi” qəzetini yaratmazdan öncə belə qənaətə gəlmişdi ki, “mütləq qəzet nəşr etdirmək gərəkdir. Hər il qəzet oxuyanlardan 10 nəfər anlasa, onların sayı hər il artacaq”. Görün mətbuatımızın qurucu siması hansı arzu-istəkdə idi, oxucu və anlayan sayının hər il on nəfər artması diləyindəydi. Ancaq o, torpağa elə bir dən səpdi ki, çox keçmədi nəinki “Əkinçi”dən boy atan imzalar, eyni zamanda çoxsaylı qəzetlər və dərgilər işıq üzü gördü,cəmiyyətimizin maariflənməsinə hədəflənən ziyalıların çevrəsi genişləndi və Həsən bəyin arzuları yüz qat çiçəkləndi. Bu mənada Milli mətbuatımızın yarannma günü sıradan bir tarix deyil. Kim bilir, bəlkə həmin tarix olmasa,”Əkinçi”dən bəhrələnən ziyalılarımızın Cümhuriyyət arzuları da çin olmazdı. Bu mənada Azərbaycan Prezidentinin Milli mətbuatımızın tarixinə Cümhuriyyət tariximiz qədər önəm verməsi qürurvericidir və sərəncamın tarixi əhəmiyyətini daha da artırır”.

 

“Report.az” İnformasiya Agentliyinin redaktoru İmdad Əlizadə çətin pandemiya şəraitində bu cür sərəncamın verilməsinin prezidentin mətbuata olan  xüsusi diqqətindən irəli gəldiyini bildirib:

 

“Prezident İlham Əliyevin Azərbaycan mətbuatının yaranmasının 145 illiyi ilə bağlı verdiyi sərəncamda Azərbaycan mətbuatının yaranması, keçdiyi inkişaf yoluna toxunmaqla yanaşı, qarşıda duran vəzifələr də aydın şəkildə göstərilib. Sərəncamda Azəbaycan mətbuatının tarixinə toxunulur, eyni zamanda müasir dövrdə həll olunacaq məsələlər öz əksini tapır.  Qeyd olunduğu kimi Azərbaycan mətbuatının qarşısında modernlik, obyekilik, rasionallıq və s. məsələlər dayanır. Bu məsələlər uzun illərdir ki, həllini gözləyir, zaman-zaman müzakirə olunub və Prezident həll yolunu zəruri sayır. Bundan başqa, diqqət yetirilməli əsas məqamlardan biri sənədin dünyada və ölkədə koronavirus pandemiyasdının yaranması və belə ağır dövrdə imzalanmasıdır. Hazırda Azərbaycanda pandemiya ilə ciddi mübarizə aparılsa da, Prezident yubileyin keçirilməsini unutmayaraq bununla bağlı qərar verdi.
Sərəncamda da qeyd olunur ki, Prezident Administrasiyası Operativ Qərargahın tövsiyələrini nəzərə almaqla yubiley tədbirlərinin keçirilməsini təmin etməlidir. Bu, məbuata göstərilən diqqətdir və eyni zamanda mükafatların verilməsi məsələsi mətbuata xidmət edən insanların qiymətləndirilməsi deməkdir.

Sərəncama uyğun olaraq aidiyyatı strukturlar,  qurumlar və jurnalist təşkilatları mətbuatın inkişafı istiqamətində islahatlar aparılmalıdır ”.


İ.Əlizadə jurnalistlərin mükafatlandırılma məsələsinə də toxunaraq mükafata namizəd olan olacaq şəxslərin seçilməsində həmkarlarını obyektiv olmağa çağırıb:


“Jurnalist təşkilatları və redaksiyalar mətbuatda xüsusi xidmətləri olan jurnalistlərin mükafatlandırılması ilə bağlı siyahı təqdim etməlidirlər.  Mən bütün təşkilalardan, baş redaktorlardan xahiş edirəm ki, siyahıları tərtib edərkən doğurdan da mətbuatın inkişafında əməyi olan, öz zəhməti ilə ortaya iş qoya bilən jurnalistlərin namizədliklərini irəli sürsünlər. Çünki layiq olmayan adamların namizədliyi irəli sürülüb sonradan onlar tətlif olunanda narazılıqlar yaranır. Bu baxımdan redaksiyaların üzərinə böyük iş düşür ki, sonradan mükafatlandırma müzakirələrə səbəb olmasın. Hamımız Azərbaycan mətbuatında kimin nə işlə məşğul olduğunu bilirik və hər kəsi yanıyırıq. Ona görə də sabah haqqı olmayan jurnalist təltif olunanda haqqı çatan kənarda qalmamalıdır”.

 

“ASAN Radio”nun baş redaktoru İlkin Kərimov Prezident tərəfindən verilən sərəncamı jurnalistlərə olan dəyərin növbəti təcəssümü kimi qiymətləndirir:


“Azərbaycan öz tarixinə bağlı dövlətdir. Minillərdən gələn dəyərləri yaşadır. Milli Mətbuatımız tarixi dəyərimizdir. H.Zərdabi və digər fikir adamlarının yaratdığı ənənələr yaşadılır. Nə əkiriksə, onu da biçirik. İşinə məsuliyyətlə, vicdanla yanaşan mətbuat nümayəndələri üçün iyul ayı önəmlidir. Dövlət başçısı bu tarixə böyük önəm verib. 22 iyul - Milli Mətbuatımızın yaranmasının 145 illiyi dövlət səviyyəsində qeyd ediləcək. Prezident İlham Əliyev tərəfindən imzalanan sərəncam mətbuata verilən diqqət və dəyərin növbəti təcəssümüdür.

Müstəqil Azərbaycan tarixində ilk dəfə bu il xüsusi günü pandemiya şəraitində qeyd edəcəyik. İnanıram ki, əlaqədar qurumların tələb və tövsiyələri nəzərə alınmaqla, builki Mətbuat günü ilə əlaqədar yubiley tədbirləri yaddaqalan olacaq. Uğurlar diləyir, həmkarlarımı təbrik etmək istəyirəm”. 

“Ədalət” qəzetinin əməkdaşı Nicat Novruzoğlu Prezident tərəfindən verilən bu  sərəncamın mətbuatımızın cəmiyyətdəki roluna olan dəyər kimi qiymətləndirir:

“Azərbaycan Respublikasının Prezidenti cənab İlham Əliyevin “Azərbaycan milli mətbuatının 145 illik yubileyinin keçirilməsi haqqında” imzaladığı sərəncamı mətbuatımızın dünəninə bu gününə və gələcəyinə, inkişafına, cəmiyyətdəki roluna verdiyi dəyər kimi qiymətləndirirəm. Ölkə rəhbəri hər zaman mətbuatımıza dəyər verib. Zaman-zaman mətbuatın yubileyləri təntənəli şəkildə və dövlət səviyyəsində qeyd edilib. Bu yubileylər ərəfəsində həmkarlarımız dövlət təltiflərinə layiq görülüb, onların əməyi qiymətləndirilib. Bu bir faktdır ki, ölkəmizdə söz və mətbuat azadlığı üçün heç bir maneə və təhlükə yoxdur, jurnalistlər istədikləri mövzunu açıq şəkildə cəmiyyətin diqqətinə çatdıra bilirlər. Peşəkar jurnalistlər mövcuddur və onların vətəndaş cəmiyyəti quruculuğu prosesində rolu olub, bu gündə var, sabah da olacaq. Təbii ki, bütün sahələr kimi mətbuatda da müəyyən problemlər mövcuddur. Şükürlər olsun ki, bu problemlər dövlət başçısının, eləcə də birinci vitse-prezident Mehriban xanım Əliyevanın  diqqət və qayğıları  nəticəsində aradan qaldırılır, mətbuatın inkişafı istiqamətində mühüm addımlar atılır. Azərbaycanda nəşr olunan qəzetlərə dövlət tərəfindən maliyyə yardımı göstərilir, mətbuat işçilərinin mənzil şəraitinin yaxşılaşdırılması üçün “Jurnalistlər şəhərciyi” tikilib istifadəyə verilib və s.

Ölkə rəhbərinin sənəddə də göstərildiyi kimi, xüsusi karantin rejimi dövründə,  belə bir sərəncam imzalamasını bir daha dövlət tərəfindən mətbuata verilən yüksək dəyər kimi qiymətləndirirəm”.


“Olaylar” İnformasiya Agentliyinin əməkdaşı Alim Hüseynli
bu sərəncamın müstəqil medianın inkişafına şərait yaradacağını deyir:


"Birmənalı şəkildə qeyd edilməlidir ki, sözügedən sərəncam dövlət, dövlət başçısı tərəfindən mətbuata verilən yüksək qiymətin təzahürüdür. Hazırda Azərbaycanda mətbuata dövlət tərəfindən xüsusi qayğı göstərilir. Xüsusən, dövlət başçısı İlham Əliyev azad sözün cəmiyyətdə aşkarlıq və plüralizm prinsiplərinin bərqərar edilməsinin qarantı kimi çıxış edir. Dövlət başçısının jurnalistlərlə səmimi münasibətlər, daim onlarla ünsiyyət qurması bu reallığın təzahürüdür. Mətbuatımızın qabaqcıl və mütərəqqi ənənələrə əsaslanmaqla, xalqımızın tarixi-milli xüsusiyyətlərini qorumaqla inkişaf etməsini vacib sayan Prezident İlham Əliyev söz və mətbuat azadlığını demokratiyanın fundamental şərti hesab edir. Təsadüfi deyil ki, prezident İlham Əliyev qeyd edib ki, Azərbaycanda aparılan siyasi islahatların əsas mənası, məqsədi ondan ibarətdir ki, ölkəmiz hərtərəfli inkişaf etsin, ölkədə yaşayan hər bir vətəndaş bütün azadlıqlardan istifadə etsin. Qeyd edim ki, Azərbaycanda mətbuatın inkişafına qayğı dövlət siyasətinin tərkib hissəsidir. Məhz bu siyasətin tərkib hissəsidir ki, Azərbaycanda yüzlərlə qəzet, jurnal, 50-dən çox televiziya və radio kanalı fəaliyyət göstərir. Hesab edirəm ki, dövlət başçısının bu sərəncamı da müstəqil medianın inkişafına təkan verəcək”.

BU KATEQORİYADAN OLAN DİGƏR XƏBƏRLƏR
+ Arxiv
Ronaldo “Sportinq”ə keçir? - Futbolçu bahalı maşınlarını Turindən çıxarır - VİDEO 18 May 2021, 00:59 Anar Kərimov 36 illik ayrılıqdan sonra İsa Bulağında - FOTO 18 May 2021, 00:44 Teledərslərin bu günə olan CƏDVƏLİ 18 May 2021, 00:31 Təhlükəsizlik kəmərindən istifadə etməyənlər cərimələndi - FOTO 18 May 2021, 00:23 Azərbaycanda Rusiya peyvəndinin tətbiqinə başlanılır 18 May 2021, 00:10 "Radikal erməni qrupları günahsız insanları qətlə yetiriblər" - Şentop 17 May 2021, 23:59 Azərbaycan səfirliyi qarşısında bədbəxt hadisə 17 May 2021, 23:47 Rusiya aviaşirkəti Türkiyəyə bilet satışını dayandırdı 17 May 2021, 23:34 Dmanisiyə əlavə polis qüvvələri yeridilib - Gürcüstanın DİN rəhbəri 17 May 2021, 23:19 Türkiyədə gündəlik yoluxma sayı 10 minə düşdü 17 May 2021, 23:09 Keçmiş arvadı uşağını ona göstərmədi - özünü qayadan atdı 17 May 2021, 23:00 Sülhməramlılar 80 ermənini Amarasa apardı 17 May 2021, 22:56 Səbinə Əliyevadan Dmanisidəki insidentlə bağlı çağırış 17 May 2021, 22:42 Goranboyda piyadanı maşın vurub öldürdü 17 May 2021, 22:30 İsrail qırıcıları HƏMAS komandirlərinin evlərini bombaladı   17 May 2021, 22:21 Gürcüstanda dava edənlər barışdılar - VİDEO 17 May 2021, 22:08 Samuxda gənci ildırım vurub öldürdü 17 May 2021, 21:57 Ərdoğandan Baydenə: “İndi də qanlı əllərinizlə bir tarix yazırsınız” 17 May 2021, 21:49 13 türkün qətlini əmr edən PKK-çı məhv edildi 17 May 2021, 21:38 "Real"ın futbolçusu koronavirusa yoluxdu 17 May 2021, 21:25 İki güləşçimiz Avropa çempionatının finalına yüksəldi 17 May 2021, 21:11 Messidən əlçatmaz nəticə 17 May 2021, 20:59 Bakıda bu gün evlənən cütlük nikah şəhadətnaməsini itirdi - FOTO  17 May 2021, 20:45 Dünyada ən çox satılan avtomobillər 17 May 2021, 20:38 Dələduz iş başında yaxalandı - VİDEO 17 May 2021, 20:24 Qənirə Paşayeva Tovuzda şəhid ailələri ilə görüşdü - FOTO 17 May 2021, 20:09 Dünya İqtisadi Forumunun xüsusi iclası təxirə salındı 17 May 2021, 20:00 İmtahanda ən yüksək bal toplayan şagird - FOTO 17 May 2021, 19:54 BMT Baş Assambleyası İsrail-Fələstin üçün toplanır 17 May 2021, 19:48 ÜST rəhbərindən G7 ölkələrin hökümət başçılarına ÇAĞIRIŞ 17 May 2021, 19:42 Sabirabadda narkotik becərən şəxs saxlanıldı 17 May 2021, 19:36 Bakı Baş Gömrük İdarəsində əməliyyat - Vəzifəli şəxlər saxlanıldı 17 May 2021, 19:30 Polad Alemdar xanımından BOŞANDI 17 May 2021, 19:24 Qubada iki qardaş qayalıqdan çaya yıxıldı - biri öldü 17 May 2021, 19:18 “Yüksəliş” müsabiqəsi iştirakçıların məlumat bazasını yaratdı 17 May 2021, 19:12