Arxiv
10 İyul 2020, 15:23 | MEDİA
Etibarsız - Etibar Cəbrayıloğlu yazır

Etibar Cəbrayıloğlu

Az.TV-nin maraqlı görünən verilişlərinin sonundakı titrlərdə onun-adaşımın adını axtarırdım həmişə. Əksər hallarda da gözlədiyim baş verirdi, verilişin quruluşçu rejissoru və ya layihənin bədii rəhbəri kimi məhz Etibar Babayevin adını yazılırdı.

Mən həyatda üzünü görmədiyim adaşımın uğurlarına sevinməkdə, o da yeni yaradıcılıq axtarışlarında idi.

Həmişə də elə bilirdim ki, adaşım yaşca məndən bir neçə bayram böyükdür. Az.TV kimi böyük kollektivə bədii rəhbər təyin edildiyini, Əməkdar incəsənət xadimi fəxri adını aldığını eşidəndə də Etibar Babayevlə aramızda bir xeyli yaş fərqi olduğunu düşünmüşdüm. Amma illər keçdi və onu yaxından tanıyandan sonra bildim ki, adaşla həm də yaşıdıq.

Söz vaxtına çəkər, 2013-cü ilin isti iyul günlərinin birində iki adaşın görüşü baş tutdu, məlum oldu ki, qismətimizdə "Jurnalistlər binası”nda qonşu olmaq var imiş. Püşk bizi bir az da yaxın etmişdi, hər ikimizə eyni blokdan mənzil hədiyyə olunmuşdu.

Bəzən zarafata salıb deyirdim ki, püşk balansı pozub, bir blokda iki Etibar xeyli sıxlıq yaradır, gərək biz adaşları ayrı-ayrı bloka salaydı. Hər dəfə də zarafatıma sakit, özünəməxsus gülüşü ilə cavab verərdi.


Etibar Babayevin özünün də, ailə üzvlərinin də çöhrəsində həmişə təbəssüm olardı. Hər səhər onların təbəssümləri, xoş rəftarı ilə qarşılamaq insanda pozitiv hisslər oyadırdı. Bu mehriban ailə- adaşım, ömür-gün yoldaşı Səyyarə xanım, övladları Səid və Saniyyə qonşularla nəzakətli, kübarcasına davranırdı. Səyyarə xanım son iki ildə iki ağır itki ilə qarşılaşdı, ötən il atasını-Xalq rəssamı Altay Hacıyevi, bir neçə gün öncə isə ömür-gün yoldaşını itirdi.

Heç vaxt rastlaşmadığımız çətinliklə üz-üzəyik. Amansız, bədheybət COVİD-19-un addım səsləri son vaxtlar daha yaxından eşidilincə doğmalarımızın, ətrafımızdakı insanların səhhətindən narahatlıq keçirir, hər fürsətdə onları daha diqqətli olmağa çağırırıq. Adaşla bir neçə gün idi görüşmürdük, hər yay mövsümündə bağda qaldıqlarını nəzərə alıb təlaşa səbəb görmədim. Təzə-təzə öyrənməyə başladığım sosial şəbəkə vasitəsi ilə yazışıb bir-birimizə səhhətimizə fikir verməyi, yaxınlarımızı qorumağı tövsiyə elədik.

Bir neçə gün sonra dəyərli həmkarım Mintac Elsevərin gecənin bir aləmi lənətə gəlmiş sosial şəbəkədən paylaşdığı xəbər hamını şoka saldı. Dostlar, qohum-qonşular, iş yoldaşları, adaşımı qiyabi tanıyan tamaşaçıları Etibarsız qaldıqlarına inana bilmirdilər.

Yaxın dostum, istedadlı televiziya rejissoru Nadir Diridağlının səhər tezdən telefondakı kədərli səsi indi də qulaqlarımdadır: "Etibarla Az.TV-dəki iş otaqlarımız yanaşı idi, evdən televiziyaya gələnə kimi yolboyu yalvarırdım ki, acı xəbər yalan çıxaydı. Gəlib kabinetini boş görəndə bütün ümidlərim öldü...”

Adaşım etibarsızlıq elədi, qəfil xəstəliyin üzünə xoş baxdı, arzularını, Səidlə, Saniyyə ilə bağlı xəyallarını, yaradıcılıq planlarını və özünəməxsus təbəssümü götürüb həmişəlik getdi. Bizi Etibarsız qoydu...

BU KATEQORİYADAN OLAN DİGƏR XƏBƏRLƏR
+ Arxiv
Süni tənəffüs aparatına qoşulan xəstələrin sayı 37-yə endi - FOTO 14 Avqust 2020, 20:50 Azərbaycanla Avropa İttifaqı arasında  perspektivlər müzakirə olunub 14 Avqust 2020, 20:38 Etiraz aksiyasında həbs olunan futbolçu azadlığa buraxıldı 14 Avqust 2020, 20:29 BŞBPİ-də kadr təyinatı olub 14 Avqust 2020, 20:15 Azərbaycan İnvestisiya Holdinqinin Müşahidə Şurasının ilk iclası keçirilib 14 Avqust 2020, 20:01 Bu ölkədə dar küçədə siqaret çəkmək qadağan edildi 14 Avqust 2020, 19:21 BMT Təhlükəsizlik Şurasının iclası çağırılsın - Putin 14 Avqust 2020, 19:08 Ümumi daxili məhsulun həcmi açıqlanıb 14 Avqust 2020, 18:55 ARB və Xəzər TV-nin yayımı 3 saatlıq dayandırılacaq 14 Avqust 2020, 18:48 Bakı, Sumqayıt və İmişlidə silahlı şəxslərə qarşı ƏMƏLİYYAT 14 Avqust 2020, 18:32 Ceyhun Bayramov Yaponiyanın yeni səfirini qəbul etdi 14 Avqust 2020, 18:28 Azay Quliyev seçicilərlə videogörüş keçirib     14 Avqust 2020, 18:24 Azərbaycanda təhsil sistemi keyfiyyətcə yeni inkişaf müstəvisinə qədəm qoyub - Deputat 14 Avqust 2020, 18:20 Dollar yeni həftəyə belə başlayacaq 14 Avqust 2020, 18:17 Azərbaycanın dövlət büdcəsində kəsir yarandı 14 Avqust 2020, 18:10 Müdafiə Nazirliyindən ermənilərin “Gəncəni vurarıq” təhdidinə REAKSİYA 14 Avqust 2020, 18:05 Səfir: “Türkiyə ilə Azərbaycanın düşmənləri kimdirsə, baxıb qısqansınlar” – MÜSAHİBƏ 14 Avqust 2020, 17:59 Naqif Həmzəyev: Türkiyənin Minsk Qrupu həmsədrləri sırasına daxil edilməsi ən optimal variantdır 14 Avqust 2020, 17:54 Vahid Əhmədov seçicilərini onlayn qəbul edib 14 Avqust 2020, 17:48 Ceyhun Bayramov Birləşmiş Ərəb Əmirliklərinin Azərbaycandakı səfiri ilə görüşdü 14 Avqust 2020, 17:42 Bərdədə qətl törədən şəxsin cinayət işi məhkəməyə göndərildi 14 Avqust 2020, 17:36 Daha 400 Taliban döyüşçüsü azadlığa buraxıldı 14 Avqust 2020, 17:30 Nazirlik “Qanun” nəşriyyatından video YAYDI 14 Avqust 2020, 17:24 Azərbaycanda daha 103 nəfər koronavirusa yoluxdu - 3 nəfər öldü 14 Avqust 2020, 17:18 ABŞ Venesuelaya gedən İran tankerlərindən yanacağı müsadirə etdi  14 Avqust 2020, 17:12 Türkiyədə axtarışa verilən 2 terrorçu məhv edildi 14 Avqust 2020, 17:11 Kanadada vətəndaşlar baş naziri və hökuməti hədələyirlər 14 Avqust 2020, 17:10 Polisdən vətəndaşlara Məhərrəm ayı və Aşura günü XƏBƏRDARLIĞI 14 Avqust 2020, 17:04 Belarus müxalifəti hakimiyyəti təhvil almaq üçün Koordinasiya Şurası YARATDI 14 Avqust 2020, 16:58 Əli Əsədov yeni vəzifəsində ilk tapşırığını verdi 14 Avqust 2020, 16:52 Oqtay Şirəliyev xaricdən gələn həkimlərlə görüşdü 14 Avqust 2020, 16:46 DİN-dən Şahbaz Xuduoğlunun iddialarına CAVAB 14 Avqust 2020, 16:40 15 kiloqram narkotik vasitə qanunsuz dövriyyədən çıxarıldı - FOTOLAR 14 Avqust 2020, 16:34 Tələbələrin köçürülməsi qaydası açıqlandı 14 Avqust 2020, 16:28 Sayğaclara müdaxilə etmək mümkündür? - "Azərişıq"dan açıqlama 14 Avqust 2020, 16:22