Arxiv
27 Oktyabr 2020, 10:47 | MEDİA
Böyük xəyallara atılan MƏRMİLƏR

Vəfa ALLAHVERDİYEVA      
   
                                     

Qarabağda erməni hökmranlığının füziki məhvinin vaxtının çatdığını  bütün dünyaya nümayiş etdirən,  MƏHARƏTLİ BİR BEYİNLƏ yürüdülən siyasətin seyrciləriyik.


Niyə başladı, necə başladı, Rusiyanın qəddar xislətini nə yumşaltdı, Türkiyənin güclü əli əlimizi nədən açıq-aşkar möhkəm tutdu- bütün bunlar  qalın sirr pərdəsinə bürünən, siyasətin  alt qatlarına aid incəliklər və əsasən politologiyanın məşğul olduğu bir məsələdir; cəmiyyəti maraqlandırmaz.


Cəmiyyətə  lazım olan Dağlıq Qarabağın əsl sahibinə qaytarılması tamaşasının gerçəkliyi,  beləliklə, bölgədə ədalətin, haqqın, huzurun  hökmranlıq etməsidir! Artıq bu, bir gerçəkdir ki, Qarabağın taleyində QARANLIQLA İŞIĞIN  növbələşməsi başlayıb!..


Azərbaycan əlini həmişə VƏFA KƏMƏRİNƏ qoydu ki, danışıqlar pozulmasın, bölgəyə əbədi sülh gəlsin!


Amma “Sülh dövləti” olmaqdan da bezən Azərbaycan günlərin bir günü dönüb “Müharibə dövləti” oldusa, bu, Qafqazın tarixini öyrənmək, tanımaq  istəməyən, Qarabağın azadlığı məsələsinə gözünə nifrət eynəyi taxıb baxan dünyanın riyakarlığı ucbatından oldu!


Bölgəni qan gölünə çevirməkdə müqəssir Ermənistanın qarşısına elə bir güclü təbii fəlakət zərbəsi kimi çıxdı ki, düşmən nə qədər sədlər inşaa etməyə, siyasi,  diplomatik bəndlər qurmağa çalışsa da, oxdan çıxan yayın geriyə yolu yoxdur!


30 il öncə bölgədə tikan  əkənlər indi orda TİKAN dərirlər! Qarabağda atılan bombalar təkcə bunkerləri, terrorçuları, dirənmək üçün  ard-arda daşınan hərbi teknikanı  məhv etmir, həm də Ermənistanın üç yüz illik  XƏYALLARINI ÖLDÜRÜR! 30 ildəki böyük arzularını ATƏŞDƏ KÜLƏ ÇEVİRİR!..              


Qarabağ masalarda sahibinə geri verilmədi, indi Azərbaycan onu DİŞİ  və DIRNAĞI ilə qoparıb alır.


Hansı zəfər qələmin mürəkkəbində, mötəbər imzalarda yatır ki?!


Hansı savaş masalarda bitir ki?!


Tarixin bütün müharibələri qanla yazılır!


Müharibə vasitələrinə malik olmayan, müharibəni öyrənməyən dövlət işğalçının ayağı altında sona kimi əzilər, məhv olub yoxa çıxar. Bu, bir gerçəkdir!  


Coğrafi qonşuluq alın yazımız ola bilər, lakin işğalla barışmaqda nə qəzavü-qədər düşüncəsi ola bilər, nə də alnımızdakı, əlimizin içindəki  tale xətti! Azərbaycan toplumu belə yaramaz mövhumatçı təbiətə heç vaxt sahib olmadı.


Hərbi paradlarda nümayiş olunan müasir silahlar, intizamlı ordu, hər il artırılan hərbi büdcə sübut edirdi ki,  Azərbaycan Qarabağdakı yenilgiyi qəbul etməyəcək. Şəri təmsil edən, göylə gedən  Ermənistanı havadarları yerə endirmək istəmirsə, 30 illik “zəfər” sərxoşunu  durdurmağın bir yolu  mütləq tapılacaq!     


Fürsətlər axtarışı var idimi? Var idi! Tale İlham Əliyevə öz ölkəsinin sərhədlərini haqsızlıqdan qurtarmaq fürsətini, zamanını BU GÜNƏ tanıdı!


Azərbaycan yüz illərdir savaş təcrübəsi qazanan Türkiyədən vuruşmağı öyrəndi; şəhidi üçün ağlamamağı öyrəndi və onun mənəvi dəstəyini əskiksiz alaraq HİLALa dayanan bir zəfər üçün xeyirli yola çıxdı. Nə yaxşı ki də çıxdı! 


Xalq və  dövlət öz neqativ enerjisini, haqlı qəzəbini  bəyanatlara, quru kağız parçaları üzərinə uzunmüddətli tökə bilməzdi; böyük-böyük masalardan səs çıxmayanda, Qarabağın müqəddəratı ədalətsiz çevrələrdə qaraldılanda,  əlbətdə ki, bu enerji cəbhədə dağıdıcı rolunu oynamalı, taleyimizi qaraldanların, TALEYİ QARALDILMALIYDI!  


Qarabağın kədərli hekayəsini  dəyişən çılğın GƏNC NƏSİL  romantik xəyallarını, gənclik  əyləncələrini sakit, aydın bir dünyada yaşamalıykən, mərmilərin, topların atəşi altında odlu-alovlu əyləncələr yaşayır; kişilik imtahanı verir; Vətənini qurtarır və bunu edərkən, ona miras qalan bu münaqişədə özündən böyükləri ittiham etmir, içi özümüzdən olan baltaların keçmiş günahlarının sorğu-sualını aparmır, palan içi töküb rəhimlərin, surətlərin, əlikramların üzərinə nifrət püskürmür,  məhz sona qədər qalibiyyət ovqatına köklənir!


Bu nəsil bizim axsaq, qısır vətənpərvərlik təbliğatımızda necə yetişə bilərdi, axı biz illərlə bu təbliğatı o qədər quru, o qədər  şablon təqdim etdik, şou biznesin kölgəsində elə itirdik ki… bu gün heyran olduğumuz vətənsevərlik tablosu içi boş təbliğata, populizmə  deyil, məhz türk
millətinin MÖHTƏŞƏM GENETİK KODLARINA, ölməyən ruhuna borcludur!


Bir uğur qığılcımı, qəlb birliyi ilə əl birliyinin meydana girməsi kifayət etdi ki, vətəninin KİÇİCİK BİR DAĞINA, TƏPƏSİNƏ SANCILAN BAYRAQ lokomativ güc qazanıb, xalqı da, əsas işi görən Ordunu da çəkib öz arxasınca aparsın: düşmənin əlində olan azman dağların ətəklərinə qədər, sıldırımlı qayalara qədər, hər qarışa qədər!!!


Bəlkə bir az gec başlasaydı, o zaman hakimiyyət dəhlizlərindən ayrılan mühafizəkar siyasi qanadın incikliyi, umu-küsüləri ilə qəlizləşən daxili münasibətlər əvvəlki dönəmlərin üslubunda olduğu kimi, dramatik  bir şəkil alardı, diqqəti ayrı istiqamətə çəkərdi. Amma Qarabağ Cəbhəsi varkən, başqa nə cəbhə ?!


Proses göstərdi ki, Azərbaycanın təcrübəsində yaşanan köhnə pis variantlar çoxdan dərin quyulara atılıb.  Savaş olacaq yeganə Cəbhə Qarabağdır! Qarabağ MƏNƏVİ QİBLƏ kimi hamının-müxalifətin də, elit cəmiyyətin də, sosial baxımdan aşağı təbəqənin də bütün enerjisini, səyini, mübarizəsini özünə sarı çevirməyi bacardı.             


Tale Azərbaycanın üzünə gülür! Xocalının qisası alınır! Amma ciddi, nümunəvi  əxlaq kodeksi tərbiyəmizi, VİCDANIMIZI  buxovlamasaydı, yaddaş sandığında qanlı hadisələr, acı xatirələr, qorxunc erməni vəhşiliklərini saxlayan xalqımızın qisas cavabı adekvat veriləcəkdi və intiqam o zaman hesab olaraq bərabərləşəcəkdi!


Amma yenə də şərt o deyil ki, intiqam başı kəsilən uşaqlarla alınsın; İŞĞAL ZƏNCİRİndən bir-bir qoparılan torpaqlar, tamamlanmaq üzrə olan HİLAL    Azərbaycanın Ermənistan üzərindəki qələbəsinin OLİMP ZİRVƏSİdir. Ermənistan  özgə torpaqlarında əkdiyi zəhərli ağacın meyvəsini özü yeyir!!!


…ORDUDAN sonra o gözəl torpaqlara YOL bizimdir!


Qarabağı TİKMƏK üçün!


Qarabağı görmək, ƏTRİNİ DUYMAQ üçün!!!  

BU KATEQORİYADAN OLAN DİGƏR XƏBƏRLƏR
+ Arxiv
Məktəb avtobusu qəzaya düşdü - xəsarət alanlar var 27 Yanvar 2021, 08:31 Daha 31 erməni hərbçinin meyiti Ermənistana təhvil verildi 27 Yanvar 2021, 08:19 “Kubok qazanmaq istəyiriksə, Messiyə ehtiyacımız var” - Kuman 27 Yanvar 2021, 01:04 Senat Trampın impiçmentini təxirə saldı 27 Yanvar 2021, 00:50 Ceyhun Bayramov Fransanın dövlət katibi ilə üçtərəfli bəyanatı müzakirə etdi 27 Yanvar 2021, 00:34 Bayden NATO baş katibi ilə danışdı: "ABŞ kollektiv müdafiəyə sadiqdir" 27 Yanvar 2021, 00:26 FİFA DÇ-2026-nın şəhərlərini müəyyənləşdirəcək 27 Yanvar 2021, 00:10 "Çelsi"yə yeni baş məşqçi təyin olundu 26 Yanvar 2021, 23:58 Türkiyədə daha 134 nəfər virusdan öldü 26 Yanvar 2021, 23:49 Baş nazirin müavini koronavirusa yoluxdu 26 Yanvar 2021, 23:35 Keçmiş baş nazir qanunsuz varlanmaqda ittiham olunur 26 Yanvar 2021, 23:21 Dünyanın ən bahalı brendi açıqlandı 26 Yanvar 2021, 23:09 Rəsmi Bakıdan AŞPA-nın qətnaməsinə REAKSİYA 26 Yanvar 2021, 22:53 Putin Baydenlə müzakirələr apardı 26 Yanvar 2021, 22:47 “Qarabağda nəqliyyat layihələri üçün əlverişli şərait yaranıb” - Zərif   26 Yanvar 2021, 22:34 Azay Quliyev ATƏT PA-nın Büro iclasında iştirak edib 26 Yanvar 2021, 22:20 Paytaxtın bu ərazisində avtobusların gecikmə səbəbi məlum oldu 26 Yanvar 2021, 22:12 Paşinyanın diplomatik pasportu oğurlanıb 26 Yanvar 2021, 22:07 Ermənistan nümayəndə heyətinin AŞPA-kı təklifləri rədd edildi 26 Yanvar 2021, 21:58 ABŞ-ın yeni dövlət katibi məlum oldu 26 Yanvar 2021, 21:46 İran Rusiya ilə birgə peyvənd istehsal edəcək 26 Yanvar 2021, 21:41 "Qarabağda Azərbaycan tərəfdən əcnəbi muzdluların döyüşməsinə dair dəlil yoxdur" - Heyko Maas 26 Yanvar 2021, 21:30 Türkiyədə güclü qasırğa fəsadlar törətdi 26 Yanvar 2021, 21:16 Bu ölkə “TikTok”a həmişəlik qadağa qoydu 26 Yanvar 2021, 21:09 Mədəniyyət komitəsi onlayn toplaşdı - FOTO 26 Yanvar 2021, 20:58 “Ətraf mühiti qorumasaq, daha bir pandemiya ilə üzləşəcəyik” 26 Yanvar 2021, 20:43 Dövlət Vergi Xidməti işçi axtarır 26 Yanvar 2021, 20:31 Bakıda yaşayan Naxçıvan sakinlərinin nəzərinə! 26 Yanvar 2021, 20:18 Oqtay Gülalıyevi vuran sürücü həbs edildi 26 Yanvar 2021, 20:04 Azad olunmuş rayonlarda şəkər çuğunduru istehsal olunacaq 26 Yanvar 2021, 19:56 AŞPA-ya yeni baş katib seçildi 26 Yanvar 2021, 19:45 AMEA-da struktur dəyişikliyi oldu -FOTO 26 Yanvar 2021, 19:36 Rusiyalı diplomat XİN-ə çağırıldı - ETİRAZ 26 Yanvar 2021, 19:26 Ermənilər Natavanın məzarını dağıdıb sümüklərini aparıblar - FOTOLAR 26 Yanvar 2021, 19:19 DİQQƏT: Yerə doğru 3 asteroid gəlir 26 Yanvar 2021, 19:06