Arxiv
25 Noyabr 2020, 09:42 | QARABAĞ
Əsgər anası: “Oğlum Qubadlının 30 ilə yaxın işğal altında qalan kəndinə bayraq sancdı” - MÜSAHİBƏ

Hər bir ölkənin qüdrətini göstərən əsas cəhətlərdən biri onun ordusu, əsgərinin vətənpərvərlik ruhudur. Əgər ruh yoxdursa, qüdrətdən, vətənin etibarlı müdafiəsindən danışmaq mənasız olar. Qəlbində vətənpərvərlik ruhu olan əsgərin, döyüşçünün qarşısında ən müasir silahlara sarılmış düşmən belə dayana bilməz.

Qəlbində vətənpərvərlik hissini tam olaraq yaşayan əsgərlərimizdən biri Sənan İsmayılov Modern.az-a Qarabağdakı döyüş təəssüratlarından danışıb.


- Sənan, döyüşlərin ilk günündən oradasınız? Könüllü getmisiniz?

- Səfərbərlik elan olunan kimi könüllü olaraq müharibəyə qatıldım.  Sentyabrın 29-dan cəbhədəyəm. İlk gələndə Cəbrayılda və Füzulidə oldum, indi isə Qubadlı istiqamətindəyik.


- Hazırda vəziyyət necədir orada?

- Burada hər şey əladır, tam sakitçilikdir. Qubadlının sərhəd kəndi olan Çərəlidəyik. Artıq bu kənddən sonra Ermənistan sərhədidir, biz buranın müdafiəsindəyik.
Biz burada evlərdən, şəhərdən çox uzaqdayıq, dağda qalırıq . İlk gəldikdə hər birimiz üçün çətin idi, təbii ki, amma artıq vaxt keçdikcə, özümüz üçün hər bir şərait qurmuşuq. Ehtiyaclarımızı qarşılayırlar, çox sağ olsunlar. Hazırda buradakı əsgərlər bir-birimizə hər an dəstək olmağa çalışırıq.


- Orada başınıza gələnlərdən danışaq. Sizinlə birlikdə döyüşən əsgər yoldaşlarınız hamısı sağ-salamatdır?

- Biz sərhəd kəndində olduğumuz üçün sadəcə müdafiə edirik. Bəzi hadisələr baş verdi, ancaq şükürlər olsun ki, aramızda şəhid olan və yaralanan olmadı. Bu günə qədər heç bir səhvə yol vermədik, bayrağımızı Çərəli kəndinə sancdıq.


- Ailənizlə hər gün danışa bilirsiniz?

- Artıq demək olar ki, hər gün danışırıq. Ailəm çox narahat olduğu üçün hər gün vaxt ayırıb, qısaca sağ-salamat olduğumu deməyə çalışıram.


- Gənc əsgərlərimizin bəzilərinin sevdiyi, yolunu gözləyəni var. Bəs sizin necə?

- Xeyr, sevdiyim yoxdur. Əsas yolumu gözləyən ailəmdir.


- Qayıtdıqdan sonra nələr etməyi düşünürsünüz? Yarımçıq qalan planlarınız nələrdir?

- Hələ ki heç bir planım yoxdur. Sadəcə, ailəmin yanına qayıtmağı düşünürəm. Hər kəs orada səbirsizliklə mənim qayıtmağımı gözləyir. Mən hava limanında işləyirdim, düşünürəm ki, yenidən öz işimə qayıdaram, hər şey daha yaxşı olar.


- Qələbə xəbərini necə eşitdiniz? Əsgər yoldaşlarınızla birlikdə hansı hissləri keçirdiniz?

- Cəbhədə Prezidentimizin çıxışına qulaq asdıq. Çox sevindik hər birimiz. Prezidentimiz danışdığı andan etibarən atəşkəs oldu, güllə səsi eşidilmədi, sanki hər şey bir anda dayandı. Cəbhə elə bil sükut elan etdi.


- Qayıdana qədər Qubadlıda qalacaqsınız? Yoxsa, yerdəyişmə edib, başqa istiqamətə göndərilə bilərsiniz?

- Xeyr, bizim ərazi burada bitir, artıq başqa yerə göndərilməyəcəyik.


“Sanki çağırış olmamışdan əvvəl hər şeyi hiss etmişdi
...”


Əsgərimizdən sonra onun anası Yeganə İsmayılova ilə də həmsöhbət olduq. Oğlunun yolunu gözləyən əsgər anası düşüncələrini bizimlə bölüşdü:

“Sənan həqiqi hərbi xidməti də Füzulidə, Horadiz istiqamətində keçib. Əsgərlikdə onun bütün komandirləri Sənandan razılıq ediblər. Sənanın hər zaman bizə yaxşı xəbərləri gəlib.

Müharibə başlayan gündən etibarən hər gün işdən gəlməzdən əvvəl zəng vururdu, soruşurdu ki, məni çağırdılar? Səbirsizliklə gözləyirdi döyüşə getməyi...

Oğlum Qubadlının 30 ilə yaxındır işğal altında olan Çərəli kəndinə bayraq sancdı. Fəxr edirəm, o görüntüləri gördükdə özümdən asılı olmadan kövrəldim, ağladım. İnsan elə bir görüntü qarşısında göz yaşlarına necə hakim ola bilər?! Oğlumla və bütün qəhrəman əsgər balalarımızla fəxr edirəm, qürur duyuram...”.

Mehri QURBAN

BU KATEQORİYADAN OLAN DİGƏR XƏBƏRLƏR
+ Arxiv
Daha 31 erməni hərbçinin meyiti Ermənistana təhvil verildi 27 Yanvar 2021, 08:19 “Kubok qazanmaq istəyiriksə, Messiyə ehtiyacımız var” - Kuman 27 Yanvar 2021, 01:04 Senat Trampın impiçmentini təxirə saldı 27 Yanvar 2021, 00:50 Ceyhun Bayramov Fransanın dövlət katibi ilə üçtərəfli bəyanatı müzakirə etdi 27 Yanvar 2021, 00:34 Bayden NATO baş katibi ilə danışdı: "ABŞ kollektiv müdafiəyə sadiqdir" 27 Yanvar 2021, 00:26 FİFA DÇ-2026-nın şəhərlərini müəyyənləşdirəcək 27 Yanvar 2021, 00:10 "Çelsi"yə yeni baş məşqçi təyin olundu 26 Yanvar 2021, 23:58 Türkiyədə daha 134 nəfər virusdan öldü 26 Yanvar 2021, 23:49 Baş nazirin müavini koronavirusa yoluxdu 26 Yanvar 2021, 23:35 Keçmiş baş nazir qanunsuz varlanmaqda ittiham olunur 26 Yanvar 2021, 23:21 Dünyanın ən bahalı brendi açıqlandı 26 Yanvar 2021, 23:09 Rəsmi Bakıdan AŞPA-nın qətnaməsinə REAKSİYA 26 Yanvar 2021, 22:53 Putin Baydenlə müzakirələr apardı 26 Yanvar 2021, 22:47 “Qarabağda nəqliyyat layihələri üçün əlverişli şərait yaranıb” - Zərif   26 Yanvar 2021, 22:34 Azay Quliyev ATƏT PA-nın Büro iclasında iştirak edib 26 Yanvar 2021, 22:20 Paytaxtın bu ərazisində avtobusların gecikmə səbəbi məlum oldu 26 Yanvar 2021, 22:12 Paşinyanın diplomatik pasportu oğurlanıb 26 Yanvar 2021, 22:07 Ermənistan nümayəndə heyətinin AŞPA-kı təklifləri rədd edildi 26 Yanvar 2021, 21:58 ABŞ-ın yeni dövlət katibi məlum oldu 26 Yanvar 2021, 21:46 İran Rusiya ilə birgə peyvənd istehsal edəcək 26 Yanvar 2021, 21:41 "Qarabağda Azərbaycan tərəfdən əcnəbi muzdluların döyüşməsinə dair dəlil yoxdur" - Heyko Maas 26 Yanvar 2021, 21:30 Türkiyədə güclü qasırğa fəsadlar törətdi 26 Yanvar 2021, 21:16 Bu ölkə “TikTok”a həmişəlik qadağa qoydu 26 Yanvar 2021, 21:09 Mədəniyyət komitəsi onlayn toplaşdı - FOTO 26 Yanvar 2021, 20:58 “Ətraf mühiti qorumasaq, daha bir pandemiya ilə üzləşəcəyik” 26 Yanvar 2021, 20:43 Dövlət Vergi Xidməti işçi axtarır 26 Yanvar 2021, 20:31 Bakıda yaşayan Naxçıvan sakinlərinin nəzərinə! 26 Yanvar 2021, 20:18 Oqtay Gülalıyevi vuran sürücü həbs edildi 26 Yanvar 2021, 20:04 Azad olunmuş rayonlarda şəkər çuğunduru istehsal olunacaq 26 Yanvar 2021, 19:56 AŞPA-ya yeni baş katib seçildi 26 Yanvar 2021, 19:45 AMEA-da struktur dəyişikliyi oldu -FOTO 26 Yanvar 2021, 19:36 Rusiyalı diplomat XİN-ə çağırıldı - ETİRAZ 26 Yanvar 2021, 19:26 Ermənilər Natavanın məzarını dağıdıb sümüklərini aparıblar - FOTOLAR 26 Yanvar 2021, 19:19 DİQQƏT: Yerə doğru 3 asteroid gəlir 26 Yanvar 2021, 19:06 Azərbaycanlı dənizçinin cənazəsi Türkiyəyə yola salındı -FOTO 26 Yanvar 2021, 19:00