Bir neçə gün əvvəl koronavirusa yoluxaraq, koma vəziyyətində Mərkəzi Gömrük Hospitalına yerləşdirilən müğənni Səyyad Əlizadə vəfat edib.
Bu barədə Modern.az-a onun kürəkəni Razim Qarayev məlumat verib.
Qeyd edək ki, müğənni Səyyad Əlizadə və həyat yoldaşı Kəmalə Əlizadə bir müddət əvvəl koronavirusa yoluxduğundan Zığda yerləşən modul tipli xəstəxanaya yerləşdiriliblər. S.Əlizadə xəstəxanaya yerləşdirildiyi gündən komada olub. Onun vəziyyəti ağır olduğu üçün yaxınları Mərkəzi Gömrük Hospitalına köçürülməsini istəyiblər. Həyat yoldaşı sağalaraq, evə yazılıb.