Arxiv
7 Aprel 2013, 15:04 | AKTUAL
Erməni şirkətinin iflası Türkiyə şirkətinin erməni müştərilərinin sayını artırıb

Ermənistanın “Armavia” hava yolları şirkətinin bazar ertəsi bütün uçuş əməliyyatlarını dayandırdığını elan etməsindən və Van-İrəvan çarter səfərlərinin təxirə salındığı barədə qərar verildikdən sonra iki ölkə arasında təyyarə uçuşları davam etdirilməkdədir.

Mərkəzi İstanbulda olan "Tower" aviasiya və səyahət firması Türkiyənin Atlasjet hava yolları şirkətindən icarəyə götürdüyü təyyarələrlə həftədə 2 dəfə İstanbul-İrəvan-İstanbul uçuşlarını həyata keçirir.

“Tower” firmasının özünü təqdim etməyən nümayəndəsi “BBC Azərbaycanca”ya bildirib ki, onlar 14 ildir Türkiyə ilə Ermənistan arasında qarşılıqlı çarter reyslərinin təşkililə bağlı əldə olunmuş razılaşmaya əsasən, təyyarə səfərləri təşkil edir.

Türkiyənin digər bir şəhəri ilə İrəvan arasında planlaşdırılan uçuşlar başlamamış təxirə salınıb. Türkiyə mediası bunu Azərbaycanın narazılığı ilə əlaqələndirib.

"Yanlış anlaşılma"

"Türkiyənin Ermənistana qarşı embarqo qərarına görə uçuşları müntəzəm yox, icarəyə götürülmüş təyyarələrlə çarter reysləri vasitəsi ilə həyata keçiririk", o deyib.

Firma təmsilçisinin sözlərinə əsasən, Van-İrəvan uçuşları təxirə salındıqdan sonra İstanbul-İrəvan sərnişinləri arasında "yanlış anlaşılma" olub.

"Müştərilərimiz İstanbul-İrəevan uçuşlarının da ləğv olunduğunu da zənn etdilər. Lakin hadisələrdən sonrakı ilk uçuşda hər şey onlara bəlli oldu" - firma nümayəndəsi deyib.

Anlaşmaya əsasən, "Atlasjet" və "Armavia" hərəsi həftədə 2 dəfə uçuş edə bilər.

"Əvvəllər "Armavia" həftədə 2 dəfə uçuşlar etdiyi və sərnişin tələbatı olmadığı üçün "Atlasjet" həftədə yalnız bir gün sərnişin daşıma haqqından istifadə edib. Amma "Armavia" çökdükdən sonra "Atlasjet" həftəlik uçuşlarının sayını ikiyə çatdırıb. Hazırda həftədə iki dəfə - çərşənbə və bazar günləri uçuşlar gerçəkləşdirilir. Biletlərin qiyməti tək gediş 300, gediş-dönüş 500 dollaradır", - "Tower"in satış təmsilçisi əlavə edib.

"Tower"in Ermənistandan müştəriləri xüsusilə yay aylarında çox olur. "Ermənistandan gələnlər İstanbula, əsasən, xırda ticarət məqsədilə gəldikləri üçün yanvar-aprel aylarında sərnişin sayında azalma olur" deyə firmanın nümayəndəsi bildirib.

Şirkətin sahibi erməni mənşəli Türkiyə vətəndaşı Dikran Altundur.

Van-İrəvan

Ermənistanın milli aviadaşıyıcı şirkəti “Armavia” cari il aprelin 1-dən uçuşları dayandırmaq və müflisləşmə prosedurasına başlamaq qərarı qəbul edib.

“Son üç il ərzində şirkətin sahibkarı digər bizneslərindən əldə edilən gəlirini “Armavia”nın inkişafına yönəltməyə məcbur olub. Lakin bu gün vəziyyət elədir ki, daha bu cür işləmək mümkün deyil. Ona görə də uçuşları dayandırıb, bankrotluq prosesinə başlamaq qərarı qəbul olunub”, - bəyanatda deyilir.

Türkiyənin Borajet Hava Yolları Şirkəti isə Van-İrəvan istiqamətində planlaşdırdığı çarter reyslərini təxirə salıb.

Borajet rəhbəri Kadir Peker Haber-Turk qəzetinə deyib: "Biz uçuşları təxirə salırıq, çünki təyyarələrdən, başqa əsas marşrutlar üçün istifadə edəcəyik".

Türkiyə Nəqliyyat Nazirliyinin rəsmisi uçuşların təxirə salındığını təsdiqləsə də, səbəbləri açıqlamayıb.

Yerli media səbəblərin siyasi olduğunu iddia edib və Azərbaycan və Türkiyə arasında dostluq münasibətlərinin Ermənistana uçuşlara mane olduğunu yazıb.

Azərbaycanda bu xəbər rəsmilərin tənqidi ilə qarşılanmışdı.

Prezident Administrasiyasının İctimai-siyasi şöbəsinin rəhbəri Əli Həsənov aviareysin açılmasını "Ermənistandakı işğalçı rejimə hansısa formada verilmiş rəsmi dəstək" adlandırıb.

Türkiyənin Azərbaycandakı səfiri Alper Coşkun aviareysin “dövlət təşəbbüsü” olmadığını qeyd edib.

Van-İrərevan aviareysinin açılmasını turizm baxımdan əlverişli hesab edən Türk-Erməni Biznes Şurasının (TABDC) təmsilçisi Noyan Soyak “BBC Azərbaycanca”ya ertələnmə xəbərini ötən həftə verib. O, bu xəbərdən təəssüf ifadə edib.

Soyakın dediyinə görə, Borajetin baş direktoru Kadir Peker onunla telefon danışığında bildirib ki, məsələ ilə bağlı məlumat almaq və durumu müzakirə etmək üçün Ankaraya yola düşüb.

Azərbaycan və Ermənistan arasında mübahisəli Dağlıq Qarabağ münaqişəsi 1988-ci illərdən başlayıb və müharibə ilə müşahidə edilərək 1994-cü ildə atəşkəslə sonlanıb.

Həmin vaxtdan Türkiyə Azərbaycanla həmrəyliyini bildirmək üçün Ermənistanla sərhədləri bağlayıb.

Son üç ildə sərhədlərin açılması mövzusu aktuallaşsa da, məsələ tam həll olunmayıb.

 

BU KATEQORİYADAN OLAN DİGƏR XƏBƏRLƏR
+ Arxiv
İcazəsiz istirahətə gəldilər, cərimə olundular - FOTO 4 İyul 2020, 16:24 İranda virusa yoluxanların sayı 250 minə yaxınlaşır 4 İyul 2020, 16:16 İsmayıllıda yığıncaq təşkil edən ata və 10 qonağı cərimələndi 4 İyul 2020, 15:59 Paytaxtda yük maşını piyadanı vurub öldürdü 4 İyul 2020, 15:49 AQTA maarifləndirir: Qablaşdırılma materialları qidaya necə təsir göstərir? 4 İyul 2020, 15:38 Taksidə sürücü və sərnişini maskasızdırsa, cərimələnəcək - XƏBƏRDARLIQ 4 İyul 2020, 15:15 Ermənilər Azərbaycanın daha min kvadrat kilometr ərazisinə iddia İRƏLİ SÜRÜB 4 İyul 2020, 15:02 AMEA-nın şöbə müdiri dünyasını dəyişdi 4 İyul 2020, 14:55 Rəsmi Bakı ABŞ-ı Müstəqillik günü münasibətilə təbrik edib 4 İyul 2020, 14:40 Karantin vaxtı işləyən sexin 56 işçisi cəzalandırıldı 4 İyul 2020, 14:23 Samuxda yas mərasimi keçirmək istəyən şəxslər cərimələnib 4 İyul 2020, 14:16 Almaniyada koronavirusdan ölüm faizi niyə aşağıdır? – Ekspertdən İZAH 4 İyul 2020, 14:00 Polis supermarketlərdə reydlər keçirir 4 İyul 2020, 13:42 Peşə təhsili üzrə teledərslərin 6 iyul cədvəli 4 İyul 2020, 13:25 Gizli işləyən kafe aşkarlandı: sahibi 1500, müştərilər 100 manat CƏRİMƏLƏNDİ 4 İyul 2020, 13:17 Paytaxtda qanunsuz  fəaliyyət göstərən obyekt bağlandı 4 İyul 2020, 13:03 Bakıda sabah hava necə olacaq? 4 İyul 2020, 12:54 Beynəlxalq ekspert: “Dünya bol su dövründən su azlığı dövrünə keçir” 4 İyul 2020, 12:45 Gəncədə “COVİD-19”la mübarizə çərçivəsində dezinfeksiya işləri aparılıb 4 İyul 2020, 12:33 Rusiyada koronavirusdan ölənlərin sayı 10 mini keçdi 4 İyul 2020, 12:24 Karantin günlərində Bakıdan Qəbələyə istirahətə gedənlər CƏZALANDIRILDI 4 İyul 2020, 12:13 Azərbaycan diasporu: Haradan haraya... 4 İyul 2020, 12:04 Daşkəsəndə 2 tondan çox narkotik məhv edilib  4 İyul 2020, 12:00 Fövqəladə vəziyyət Ermənistan iqtisadiyyatını  ciddi təhlükə altında qoyur 4 İyul 2020, 11:57 Dollar yağışı 4 İyul 2020, 11:55 Bakı meriyasından koronavirus AÇIQLAMASI: “Əməkdaşlar arasında…” 4 İyul 2020, 11:47 UNEC brendi Estoniyada da tanındı 4 İyul 2020, 11:43 Daha 3 ölkədə “Formula 1” yarışları ləğv oluna bilər 4 İyul 2020, 11:37 Ermənistanda koronavirusa yoluxanların sayı 30 minə yaxınlaşır 4 İyul 2020, 11:32 Azərbaycana gələn 3 həkim geri qayıdıb, 19-u karantinə alınıb 4 İyul 2020, 11:25 Paşinyanın komandasının keçmiş üzvü: “Ermənistanı vətəndaş müharibəsi gözləyir” 4 İyul 2020, 11:12 Xətaidə qanunsuz kafe işlədən şəxs 2 min manat cərimələndi 4 İyul 2020, 10:57 Daxili İşlər Nazirliyinin əməkdaşlarının məzuniyyəti təxirə salınıb? 4 İyul 2020, 10:56 Parisdə yanğın - ölən var 4 İyul 2020, 10:43 Bəhram Bağırzadənin süni tənəffüs aparatından ayrılmağını gözləyirlər 4 İyul 2020, 10:36