Ermənistan Xalq Partiyası hesab edir ki, prezident Serj Sərkisyanın Dağlıq Qarabağın danışıqlar prosesində iştirak etməsinin zəruriliyinə dair vermiş olduğu bəyanat gecikib. Modern.az-ın Ermənistan mətbuatına istinadən yaydığı məlumata görə, bu barədə Xalq Partiyasının sədri Qriqor Arutunyan bildirib. O, təmsil olunduğu partiyanın əvvəvldən “DQR”-in nizamlama prosesində iştirak etməsi mövqeyindən çıxış etdiyini qeyd edib. “DQR”-in iştrakı olmadan danışıqlarda üğur əldə etməyin çətin olacağını deyən Arutunyan hesab edir ki, nizamlama prosesində Ermənistan üçün mürəkkəb vəziyyət yaranıb. Arutunyana görə, bu vəziyyətin yaranmasında həm eks-prezident Robert Köçəryan, həm indiki prezident Serj Sərkisyan günahkardır. ”Ermənistan prezidenti Qarabağ üğursuzluğuna görə üzr istəməlidir”deyən Arutunyan əlavə edib ki, “DQR”-in danışıqlar prosesinə cəlb olunması barədə fikirlər onu göstərir ki, Ermənistan pis vəziyyətə düşüb və Serj Sərkisyan danışıqlardan çıxmalıdır.
