Bakı dairəvi avtomobil yolunun kommunikasiya xətlərinin köçürülməsi ilə əlaqədar olaraq, yanvarın 15-də saat 09:00-dan etibarən “Alatava” QPS-dən qidalanan Binəqədi rayonunun böyük bir ərazisini təbii qazla təmin edən diametri 500 millimetrlik “9-cu mikrorayon – Binəqədi BQDPM” orta təzyiqli qaz kəmərində təchizat dayandırılacaq. Modern.az-ın məlumatına görə, bu barədə ARDNŞ-nin mətbuat xidmətindən xəbər verilib.
İş görülən müddətdə Binəqədi rayonunun 9-cu, 7-ci, 8-ci mikrorayonlarında, Vorovski qəsəbəsində və M. Rəsulzadə qəsəbəsinin bir hissəsində qaz təchizatında müvəqqəti məhdudiyyətlər olacaq. İşlər yekunlaşdıqdan sonra qeyd olunan ərazilərin qaz təchizatı bərpa olunacaq.
