Bu gün Milli Şuranın növbəti sessiyası keçiriləcək. Bu barədə Modern.az-a Milli Şura üzvü Zəfər Quliyev məlumat verib. Bildirib ki, toplantı bu gün saat 17:00-da KXCP-nin qərargahında baş tutacaq. Sessiya mətbuata qapalı keçiriləcək. İclas başa çatdıqdan sonra mətbuat üçün brifinq keçiriləcəyi gözlənilir.
Milli Şuranın bugünkü toplantısında ciddi qərarların alınacağı, vahid namizəd məsələsinə son nöqtənin qoyulacağı planlaşdırılır.
Toplantıda Rüstəm İbrahimbəyovun və AXCP sədri Əli Kərimlinin Milli Şuranın alternativ namizədina dair təkliflərinə baxılacaq.
Anar RÜSTƏMOV
