Bu gün Azərbaycan Respublikasının Prezidenti İlham Əliyev Ukraynanın və Gürcüstanın keçmiş dövlət başçıları Viktor Yuşşenko və Mixail Saakaşvilini qəbul edib. Modern.az-ın məlumatına görə, görüşdə Bakıda keçirilən II Qlobal Açıq Cəmiyyətlər Forumunun önəmi qeyd olunub, Forumun regional və beynəlxalq əməkdaşlığın genişləndirilməsi işinə töhfə verəcəyinə əminlik ifadə edilib.
Qeyd edək ki, bu gün Bakıda İkinci Qlobal Açıq Cəmiyyətlər Forumu işə başlayıb. Hər iki eks-prezident Forumun iştirakçılarıdır.
Modern.az