Milli Şura siyasi məhbuslar forumu keçirdi | Modern.az

Milli Şura mayın 14-də Reportyorların Azadlığı və Təhlükəsizliyi İnstitutunun ofisində siyasi məhbuslarla bağlı forum keçirib. Modern.az Azadlıq radiosuna istinadən xəbər verir ki, forumda ictimai-siyasi xadimlər, gənclər təşkilatlarının nümayəndələri, vətəndaş cəmiyyəti fəalları, hüquqşünaslar və hüquq müdafiəçiləri, diplomatik korpusun və beynəlxalq təşkilatların təmsilçiləri, mətbuat  işçiləri iştirak edib. 

Forumda çıxış edən Milli Şuranın sədri Cəmil Həsənli deyib ki, Azərbaycanda 140-a qədər siyasi məhbus və vicdan məhbusunun yarısı narkotik ittihamı ilə tutulub. Milli Şuranın üzvü, hüquq müdafiəçisi Leyla Yunus qeyd edib ki, Azərbaycan Avropa Şurasının Nazirlər Komitəsində sədrliyə başlayıb, amma ölkədə 140 siyasi məhbus var: “Onları susdurmaq, fəaliyyətlərini dayandırmaq üçün həbs ediblər”.
 
Vəkil Elton Quliyev deyib ki, “Nida”çıların hökmünü alıblar: “Azərbaycan Respublikası adından verilən bu sənəddə yazılanları sözlə ifadə etmək mümkün deyil. Azərbaycan adından belə bir hökmün çıxarılması biabırçılıqdır. Biz ədalətə nail olmaq üçün Avropa Məhkəməsinə getməliyik”. Milli Şuranın üzvü, AXCP sədri Əli Kərimli deyib ki, Azərbaycan 6 ay Avropa Şurasının Nazirlər Komitəsinə rəhbərlik edəcək, dünyanın diqqət mərkəzində olacaq: “Biz bundan istifadə etməliyik. Dünyanın diqqətini Azərbaycandakı vəziyyətə çəkməli, müxtəlif kampaniyalar keçirməliyik”.  

 

Modern.az