Qondarma “Dağlıq Qarabağ Respublikası”nın spikeri Aşot Qulyan jurnalistlərlə görüşü zamanı işğal olunmuş Azərbaycan torpaqlarında süni məskunlaşdırmanın davam etdirildiyini bildirib.
Modern.az Ermənistan mətbuatına istinadən xəbər verir ki, o hər il yüzlərlə erməninin Ermənistandan Qarabağ köçdüyünü xatırladıb:
“Dağlıq Qarabağın demoqrafik inkişaf planına uyğun olaraq ərazilərə əhalinin köçürülməsi prosesini ardıcıl davam etdirməliyik. Biz bir neçə min ermənini əraziyə köçürmək istəsək də maliyyə problemləri səbəbindən proses ləng gedir”.O əlavə edib ki, Qarabağa yezidi kürdlərinin köçürülməsi də planlaşdırılır: “Yezidi kürdlərinin Qarabağ köçürülməsi humanitar məqsədlərlə edilir. Geniş miqyaslı köçürülmə aparılmayacaq və ona görə də əhalinin milli tərkibində əsaslı dəyişikliyə səbəb olmayacaq”.
Vüqar İsmayılov
