Nizami rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində Bakı şəhər sakini, əvvəllər məhkum olunmuş Vyaçeslav Şapovatovdan “AKSU” markalı silah, 2 ədəd patron darağı və 10,3 qram marixuana aşkar edilərək götürülüb.
Modern.az Daxili İşlər Nazirliyinin mətbuat xidmətinə istinadən xəbər verir ki, Abşeron rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində avqustun 21-də ov tüfəngindən atəş açıb Emil Bayramova qol nahiyəsindən xəsarət yetirmiş Saray qəsəbə sakini Əli Əliyev tutulub və ondan müvafiq sənədləri olmayan nömrəsi silinmiş “TOZ-16” markalı ov tüfəngi götürülüb.
Baş Cinayət-Axtarış İdarəsi və Yasamal rayon Polis İdarəsi əməkdaşlarının keçirdikləri əməliyyat-axtarış tədbirləri nəticəsində avqustun 23-də saxlanılan Şəki şəhər sakini, əvvəllər məhkum olunmuş Anar Süleymanova “AKMS” markalı silah, 55 ədəd patron və RPK pulemyotu üçün nəzərdə tutulan diski satan Bakı şəhər sakini Şahin Quliyev tutulub.
Modern.az
