Son günlər İran İraqın şərq ərazilərindəki İŞİD obyektlərinə qarşı hərbi hava zərbələri həyata keçirir. Modern.az BBC-yə istinadən xəbər verir ki, bu barədə Pentaqon rəsmiləri məlumat verib.
Amma buna baxmayaraq İranın ABŞ-la birgə İŞİD-ə qarşı hərbi əməliyyatlar aparmasının mümkünsüzlüyü də vurğulanıb.
Hətta İranın yüksək rütbəli hərbçisinin İŞİD-ə qarşı mübarizədə ABŞ-la əməkdaşlığa getməsi barədə müzakirə təklifini rədd etdiyi də bildirilib.
Amma bəzi Qərb KİV-nin yazdığına görə ABŞ İranla birgə İŞİD-ə aviazərbələr endirir. ABŞ müdafiə nazirliyinin sözçüsü Adam Con Kibri isə yayılan məlumatların həqiqət olmadığını bildirib: “Bizim İranla hərbi sahədə fəaliyyətimizin əlaqələndirilməsi o demək deyil ki, ABŞ-ın İrana qarşı siyasəti dəyişib”.
İranın Suriyanın şərq, İraqın şimal və qərb massivlərini ələ keçirən İŞİD-ə qarşı mübarizə aparan İraq hökuməti ilə sıx əməkdaşlıq etdiyi deyilir. Lakin iraqlı general-mayor Məsud Cəzairi İranla əməkdaşlıq etdikləri haqqındakı xəbərləri təkzib edib.
Namidə BİNGÖL
