Millət vəkili Hadi Rəcəbli bu günlərdə Lənkəranda seçiciləri ilə görüş keçirib. Modern.az xəbər verir ki, seçicilərin çox saylı müraciətləri əsasında baş tutan görüşdə deputat rayon sakinlərinin bir qrupunu qəbul edərək dinləyib.
Osakücə kənd sakini Sabir Həbibov kənd ara yollarının təmir olunması, Gərmətük qəsəbə sakini Firəngiz Məmmədova qızının kompüter kursunda oxunmasına, Aytəkin Xəlilova işlə təmin olunmasına köməklik göstərilməsi, Viyən kənd sakini Fərahim Əhədov, Aşagı-Nüvədi qəsəbə sakini Dilşad Nəsirova, Kərgəlan kənd sakini Səidə Hüseynova, Şıxəkəran kənd sakini Vaqif Kərimov, Şilavar kənd sakini Samirə Əliyeva sosial yardımın alınması ilə bağlı müraciət ediblər.
Müraciət edən vətəndaşların bir qrupunun məsələsi yerindəcə öz həllini tapıb.
Sosial yardımla bağlı ƏƏSMN-nın yerli şöbəsinin rəhbərliyi ilə danışılıb və müraciət edənlərə tövsiyyə olunb ki, sənədlərini qanunamüvafiq hazırlayıb Əmək və Əhalinin Sosial Müdafiəsi Nazirliyinin yerli şöbəsinə təqdim etsinlər. Müraciət edənlər ölkədə gedən sosial-iqtisadi inkişafı xüsusi vurğulayaraq cənab Prezidentə öz minnətdarlıqlarını bildirib və deputatla geniş fikir mübadiləsi də aparıblar.
Ümumilikdə gün ərzində 35 nəfər seçici və vətəndaş qəbul olunub, onların müraciətlərinə baxılıb.
Modern.az
