Badamdardan aşağıda, “Sədərək” və “Meyvəli” ticarət mərkəzinə gedən dairəvi yolun yaxınlığında məcburi köçkünlərin məskünlaşdığı ərazilərdəki böyük çənlər aidiyyatı orqanlar tərəfindən sökülür. Bu haqda Modern.az-a köçkünlər məlumat veriblər. Şikayətçilərin sözlərinə görə, evlərin 2-3 metrliyində yerləşən çənlərin sökülməsi köşkünlərin öz zəhməti hesabına tikdiyi binalara zərər yetirəcək. Bundan əlavə, onlar həmin çənlərdən müxtəlif məqsədlərlə də istifadə edirlər. Köçkünlər yaşayışı təmin etmək üçün o çənlərin içində mal-qara saxlayır. Bəziləri isə o çənlər hesabına məişət tələbatlarını təmin edir. Qış mövsümündə çənlərin sökülməsi isə sakinlərə birə beş ziyan vuracaq.
Şikayətçilər bu işdən qəti narazıdırlar, prezidentə açıq məktubla müraciət etmək istəyirlər.
