Azərbaycanlı futbolçu, "Neftçi"nin və milli komandamızın gənc qapıçısı Emil Balayev Almaniya bundesliqasında çıxış edən “Ayntraxt” klubu ilə müqavilə imzalayıb.
Modern.az saytı xəbər verir ki, bu haqda məlumatı Emil Balayevin mənsub olduğu "Neftçi" klubu yayıb. Məlumata görə, Almaniya təmsilçisinin heyətində baxışdan uğurla keçmiş Emil Balayev bundan sonra “Ayntraxt”ın şərəfini qoruyacaq.
Gənc qapıçı dekabrın 14-də “Neftçi” – “Sumqayıt” oyunundan əvvəl mətbuat nümayəndələrinin bundesliqa klubuna keçidi ilə bağlı suallarını cavablandıracaq. Emil Balayevin keçidi ilə bağlı mətbuat konfransı 8-ci km qəsəbə stadionunun mətbuat zalında təşkil olunacaq və saat 15:30-da başlayacaq.
