Nepalın Pohkar hava limanı yaxınlığında baş verən təyyarə qəzasında ölənlərin sayı ilə bağlı son məlumat açıqlanıb.
Modern.az TASS-a istinadən xəbər verir ki, bu barədə Nepalın rəsmi qurumları məlumat yayıb.
Bildirilib ki, təyyarədə olan 68 sərnişin və 4 ekipaj üzvü olmaqla, 72 nəfərin hamısı həyatını itirib.
Qeyd edək ki, bundan əvvəl belə məlumat yayılsa da, sonradan qəza nəticəsində 68 nəfərin həlak olduğu, 2 nəfərin sağ qaldığı, daha 2 nəfərin taleyinin isə naməlum olduğu bildirilmişdi.
Hadisə ilə əlaqədar olaraq Nepalda matəm elan olunub.