Türkiyənin Xarici İşlər Nazirliyi Pohkar şəhərində baş vermiş faciəvi təyyarə qəzası ilə bağlı Nepala başsağlığı verib.
Modern.az xəbər verir ki, başsağlığı mətni Türkiyə XİN-in rəsmi saytında yayımlanıb.
"Nepalda bu səhər baş verən təyyarə qəzası nəticəsində çox sayda insanın həyatını itirməsini böyük üzüntü ilə öyrəndik. Bu qəzada həlak olanların yaxınlarına və dost Nepal xalqına, hökumətinə başsağlığı veririk", - deyə bildirilib.
Qeyd edək ki, Nepalda 72 nəfəri daşıyan sərnişin təyyarəsinin qəzaya uğraması nəticəsində bütün sərnişinlər və ekipaj üzvləri həyatını itirib.
