Ermənistanın baş naziri Nikol Paşinyan ilə Avropa İttifaqı Şurasının prezidenti Şarl Mişel arasında telefon danışığı olub.
Modern.az "Armenpress"ə istinadən xəbər verir ki, həmsöhbətlər Laçın dəhlizi ətrafındakı situasiya ilə bağlı məsələləri müzakirə ediblər.
Həmçinin Ermənistan-Azərbaycan danışıqlar prosesi və sülh gündəliyi ətrafında fikir mübadiləsi aparılıb. Tərəflər regionda sabitliyin və sülhün təmin edilməsi istiqamətində ardıcıl iş aparıldığını vurğulayıblar.