Şimali Koreya lideri Kim Çen İn dekabrın 3-də açılan Beşinci Milli Analar Yığıncağında çıxışı zamanı göz yaşı töküb.
Modern.az xəbər verir ki, Şimali Koreya liderlərinin görüntüləri Respublikanın Mərkəzi Televiziyası tərəfindən yayılıb.
Koreya Fəhlə Partiyası Mərkəzi Komitəsinin katibi Li İl Hvanın çıxışı zamanı Kim Çen İn göz yaşlarını saxlaya bilməyib. O, xüsusilə anaların övladlarının gələcəyi üçün özlərini fəda etməyə hazır olduqlarını bildirib.
“Övladlarını ləyaqətli insan kimi böyüdən hər bir ananın qəlbində öz rahatlığı, nəcib şüuru qarşısında partiyanın və dövlətin təcrübələrini, qayğılarını düşünməyə imkan verən təmiz vicdan vardır. İnqilabın gələcəyini daşımağa çağırılan yeni nəslin nümayəndələrinin sıralarının gücləndirilməsinə töhfə verməyə çalışan bir vətəndaş sizin çiyninizdədir”, - deyə qeyd olunub.
Tədbir zamanı Kim Çen İn ölkədə doğum səviyyəsinin aşağı düşməsindən narahatlığını da dilə gətirib. KXDR lideri bunu gənclər arasında artan “antisosialist davranış problemi” ilə əlaqələndirib və qadınları “Partiya, inqilab və dövlət naminə” mümkün qədər çox uşaq dünyaya gətirməyə çağırıb.
