Mini-futbol üzrə Avropa çempionu olmuş Azərbaycan milli komandası Bakıya qayıdıb.
Modern.az xəbər verir ki, idmançılarımızı hava limanında azarkeşlər və media nümayəndələri qarşılayıblar.
Xatırladaq ki, Azərbaycan mini-futbol millisi Slovakiyanın Koşitse şəhərində keçirilən Avropa çempionatında qalib olub. Milli komandamız finalda Rumıniya ilə üz-üzə gəlib. Qarşılaşma komandamızın 1:0 hesablı qələbəsi ilə başa çatıb. Bununla da yığmamız Avropa çempionu olub.
Qeyd edək ki, bu, Azərbaycan millisinin 10-cu dəfə təşkil edilən Avropa çempionatında ilk çempionluğudur.
