Hava Nəqliyyatı Beynəlxalq Assosiasiyası (İATA) aviasiya qəzaları ilə bağlı məruzəni açıqlayıb. Modern.az xarici KİV-ə istinadən xəbər verir ki, 2014-cü ildə dünyada belə insidentlər azalsa da, həlak olan insanların sayı çoxalıb. Ekspertlərin məlumatına görə, 2014-cü ildə insan itkisi ilə nəticələnən 12 qəza baş verib ki, bu da 4,4 milyon reysdən biridir. 2013-cü ildə isə vu göstərici 2,4 milyon reys olub. Bununla belə, ölənlərin sayı artıb. 2014-cü ildə təyyarə qəzalarında 641 nəfər (2013-cü ildə bu göstərici 210 nəfər olub) həyatını itirib.
Məruzədə Malayziya Airlines şirkətinə məxsus “Boeing”in Donetsk ətrafında silahla vurulması faktı nəzərə alınmayıb.
Modern.az
