Ermənistanın Baş naziri Nikol Paşinyanın müavini Ambarsum Matevosyan beynəlxalq axtarışa verilib.
Modern.az xarici mətbuata istinadən xəbər verir ki, Matevosyan Ermənistan Respublikası Cinayət Məcəlləsinin 327-ci maddəsinin 1-ci hissəsinə müvafiq olaraq (hərbi xidmətə, təlimə və ya hərbi təlimə çağırışdan yayınma) ittiham edilir.
Ermənistan polisi hələ 2011-ci ildə Matevosyanı axtarışa verib. Axtarış 2012-ci ildə dayandırılıb, lakin cinayət işinə nə üçün xitam verildiyi hələ də məlum deyil.
Xatırladaq ki, Matevosyan ötən ilin 25 noyabrında Baş nazirin müavini təyin olunub.
